चिकित्सकको लापरवाहीको कारण २ वर्षीय बालकको मृत्यु, अस्पतालमा तोडफोड

काठमाडौं, माघ २१ । झापाको एक अस्पतालमा उपचारको लागि ल्याइएका बालकको चिकित्सकहरुको लापरवाहीको कारण मृत्यु भएको छ।

बिर्तामोडस्थित बिर्ता सिटी हस्पिटलका चिकित्सक र नर्सको लापरबार्हीका कारण दुई वर्षीय बालकको मृत्यु भएको आफन्तहरूले आरोप लगाएका छन् ।

बालकको मृत्यु भएलगत्तै आफ्न्तले अस्पतालमा तोडफोड गर्नुका साथै उपचारमा संलग्न चिकित्सकहरु विरुद्ध प्रर्दशन समेत गरेका छन् । मेचीनगर–१३ स्थित काली झोडाका उमङ राजवंशीका छोरा जेनित राजवंशीको इजेक्सन लगाए लगत्तै मृत्यु भएपछि आफन्त आक्रोशित भएका हुन् ।

याे पनि पढ्नुस  राजधानीमा स्वाइन फ्लुबाट मर्नेको संख्या चार पुग्यो

आइतबार बेलुका ६ बजे अस्पताल ल्याएका बालकको इजेक्सन लगाएको केहि क्षणमा नै मृत्यु भएपछि डाक्टर र नर्स भने भागेको पीडित पारिवारले जनाएको छ । मृतकका बुबाका अनुसार छोरालाई झाडापखाला लागेर अस्पताल ल्याइएकोमा इजेक्सन लगाए लगत्तै अवस्था सिकिस्त भएको र उपचारमा संलग्न चिकित्सकहरु समेत भाग्नुले गलत औषधि प्रयोग भएको दावी गरे । उनले भने– ‘जसकारण छोराको मृत्यु भएको हो ।’

याे पनि पढ्नुस  प्रभु समूहले सुरु गर्‍यो मोबाइलमा टीभी हेर्ने सेवा

चिकित्सककै लापरबाहीका कारण बालकको मृत्यु भएको निष्कर्ष निकाल्दै परिवार तथा आफन्तले हस्पिटलमा तोडफोड गर्न थालेपछि तत्काल त्यहाँ प्रहरी पुगेको थियो । प्रहरीले घटनालाई साम्य पार्न हवाई फायर गर्नुका साथै केही सेल अश्रुग्यास प्रहार समेत गरेको थियो । अस्पतालमा परिसरमा आफन्तहरूको उपस्थिती रहेकोले अहिले पनि सुरक्षाकर्मी तैनाथ गरिएको छ । नागरिकदैनिकबाट साभार

कमेन्ट गर्नुहोस्