प्रचण्डले भने– ‘भेनेजुएला प्रकरणबारे अडिग छु’

चितवन, माघ २४ । नेपाल कम्युनिष्ट पार्टीका अध्यक्ष पुष्पकमल दाहाल ‘प्रचण्ड’ले भेनेजुएला प्रकरणमा जारी गरेको विज्ञप्तिमा आफू अडिग रहेको बताएका छन् ।

पार्टी सचिवालयले समेत विज्ञप्तिको स्प्रिट अनुसार वक्तव्य जारी गरेको भन्दै उनले व्यक्तिको भनाइको अर्थ नहुने टिप्पणी गरे ।

बिहीबार बिहान भरतपुर विमानस्थलमा कुरा गर्दै अध्यक्ष प्रचण्डले बोली चिप्लिएको या अरू कसैले फसाएको भन्ने कुराको खण्डन गरेका हुन् ।

याे पनि पढ्नुस  राष्ट्रपति विद्यादेवी भण्डारीले प्रचण्डको परिवारलार्इ समवेदना प्रकट गरे

यसअघि प्रधानमन्त्री केपी शर्मा ओलीले जनतासँग प्रधानमन्त्री कार्यक्रममा प्रचण्डको शब्द चिप्लिएको बताएका थिए । ‘हिजो प्रधानमन्त्रीले कुन सन्दर्भमा कसरी भने आफैंले पत्रिका हेरको छैन, प्रमले त्यसो भने जस्तो लाग्दैन,’ प्रचण्डले भने ।

भेनेजुएला प्रकरणमा आफ्नो वक्तव्य राजनीतिक भएको र स्वतन्त्र सार्वभौम सत्ता सम्पन्न राष्ट्रमा बाहिर कसैबाट हस्तक्षेप नहोस् भन्ने आसय रहेको बताए ।

याे पनि पढ्नुस  प्रधानमन्त्री प्रचण्डले भने, ‘माओवादीकाे सरकारले दूरगामी महत्व राख्ने र इतिहासमा मानक सिद्ध हुने काम गरेको छ’

‘पछि परराष्ट्रबाट जारी वक्तव्य त्यही स्पिरिटमा थियो । प्रधानमन्त्री समेत उपस्थित सचिवालयको बैठकले हस्तक्षेपको विरोधमा वक्तव्य जारी गरिसकेकाले व्यक्तिको भनाइले केही अर्थ राख्दैन,’ प्रचण्डले भने ।

प्रचण्डले वक्तव्यप्रति आफू अडिग रहेको प्रस्ट पारेका छन् । पार्टी र परराष्ट्र मन्त्रालयबाट आएको विज्ञप्तिप्रति अडिग छु, मलाई फसाएर आएको भनिएपछि सचिवालयको तर्फबाट खण्डन भइसकेको छ, पार्टीको तर्फबाट जे वक्तव्य आयो, त्यही नै सही हो ।’

याे पनि पढ्नुस  कम्युनिष्ट पार्टी कहिल्यै नफुट्ने गरी एकता हुने : प्रधानमन्त्री

प्रचण्डले नेपालको शान्ति प्रक्रियाका मामिलामा पश्चिमा राष्ट्रहरूको संयुक्त वक्तव्य नेपाल मामिलामा हस्तक्षेपको रूपमा लिएको बताए ।

कमेन्ट गर्नुहोस्