हेलिकाेप्टर दुर्घटनाः मृतकलाई टुँडिखेलमा श्रद्धाञ्जली सुरु

काठमाडौं, फागुन १७ । ताप्लेजु‌ङमा बुधबार भएको हेलिकोप्टर दुर्घटनामा निधन भएका सातैजनाको शव श्रद्धाञ्जलीका लागि टुँडिखेलमा राखिएको छ । बिहान ८ बजे देखि सुरु भएको श्रद्धाञ्जली कार्यक्रम ११ बजेसम्म चल्ने छ ।

दुर्घटनामा निधन भएका पर्यटन तथा नागरिक उड्डयनमन्त्री रवीन्द्र अधिकारीसहितका मृतकलाई राष्ट्रपति विद्यादेवि भण्डारी, उपराष्ट्रपति नन्दबहादुर पुन, प्रधानमन्त्री केपी ओली, मन्त्रीहरु लगायत विशिष्ट व्यक्तिहरुले टुँडिखेल पुगेर श्रद्धाञ्जली दिएका छन्।

याे पनि पढ्नुस  हेलिकोप्टर दुर्घटनाः शव पूर्णरुपमा नचिनिने अवस्थामा, मन्त्री अधिकारीसहित सबैको ‘एन्टीमर्टम’ गरिने

काठमाडौंबाट तेह्रथुमको चुहानडाँडा विमानस्थलको सम्भाव्यता अध्ययनका लागि पुगेका मन्त्री अधिकारीसहितको हेलिकप्टर पाथीभाराबाट काठमाडौं फर्कनेक्रममाताप्लेजुङको तारेभीरमा बुधबारदुर्घटनामा परेको थियो।

दुर्घटनामा मन्त्री अधिकारीसहित यति एयरलाइन्सका प्रबन्ध निर्देशक आङछिरिङ शेर्पा, नेपाल नागरिक उड्डयन प्राधिकरणका उपमहानिर्देशक वीरेन्द्रप्रसाद श्रेष्ठ र निर्देशक ध्रुव भोछिभोया, प्रधानमन्त्री तथा मन्त्रिपरिषद् कार्यालयका उपसचिव युवराज दाहाल, क्याप्टेन प्रभाकर केसी र मन्त्री अधिकारीका सुरक्षाकर्मी अर्जुनकुमार घिमिरेको निधन भएको थियो।

याे पनि पढ्नुस  हेलिकोप्टर दुर्घटनाः टुँडिखेलमा श्रद्धाञ्जलीका लागि तयारी (हेर्नुस् तस्विर)

कमेन्ट गर्नुहोस्