आईसीसी वरियातामा पारसले रोहित शर्मालाई पछि पारे

काठमाडौं, फागुन १७ । अन्तर्राष्ट्रिय क्रिकेट काउन्सिल (आइसीसी) को पछिल्लो वरीयताक्रममा नेपाललले एक स्थान सुधार गरेको छ । पछिल्लो पटक सार्वजनिक भएको वरियतामा नेपाल टी–ट्वेन्टी वरियतामा १४ औँ स्थानमा पुगेको हो । आईसीसीका अनुसार नेपालले सात खेलबाट ३०३ अंक प्राप्त गर्दै यो वरीयतामा पुग्न सफल भएको हो ।

याे पनि पढ्नुस  विश्वकपमा हारपछि भारतीय कप्तान कोहलीको पद गुम्ने सम्भावना

यसअघि नेपाल १५ औँ स्थानमा थियो । १८ देशको वरीयतामा पहिलोमा पाकिस्तान, दोस्रोमा भारत, तेस्रोमा अस्ट्रेलिया, चौथोमा दक्षिण अफ्रिका र पाँचौँमा इंग्ल्याण्ड रहेका छन्।

न्यूजिल्याण्ड, वेष्ट इण्डिज, अफगानिस्तान, श्रीलंका र बंगलादेश क्रमशः छैटौँदेखि दशौँ स्थानसम्म छन्। स्कटल्याण्ड, जिम्बावे र नेदरल्याण्ड्स ११ औँ, १२ औँ र १३ औँ स्थानमा छन्। १४ औँ नम्बरमा परेको नेपालभन्दा पछि १५ औँमा यूएई, १६ औँमा हङकङ, १७ औँमा आयरल्याण्ड र १८ औँमा ओमान छन्।

याे पनि पढ्नुस  कप्तान खड्का भन्छन्, ‘कीर्तिपुर मैदानमा वान्डे म्याच हेर्न पाउनु हुनेछ’

यसैबीच, टी–ट्वेन्टीकी खेलाडी वरीयतामा नेपाली राष्ट्रिय टिमका कप्तान पारस खड्का अलराउण्डरतर्फ ३७ औँ स्थानमा उक्लिन सफल भएका छन्। ७६ अंकसहित सोही स्थानमा पाकिस्तानका इमाद आसीम र नेदरल्याण्डका मिचेल रिप्पोन छन्। भारतीय अलराउण्डर रोहित शर्मा भने टी–ट्वेन्टी वरियतामा पारसभन्दा पछाडि ४० औँ स्थानमा छन्।

याे पनि पढ्नुस  नेपाललाई चौथो झड्का, पारस पनि सस्तैमा आउट

कमेन्ट गर्नुहोस्