Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

सिन्दुर हाल्ने बेलामा बेहुली नै भागेपछि…..

धनुषा, फागुन २० । धनुषामा विवाहको मूल विधि हुनेबेला नै बेहुली भागेपछि बेहुला र जन्ती अन्योलमा परेका छन् । जिल्लाको शहीदनगर नगरपालिका–३, यदुकोहा महराटोलकी दलित समुदायकी राम थरकी २० वर्षकी युवतीको आइतबार राति विवाह थियो । विवाहअघि हुने स्वयम्बर धुमधामसँग सम्पन्न भएको केही समयपछि बेहुली फरार हुँदा धनुषाको सबैलाबाट आएको बेहुलासहितको जन्ती बिचल्लीमा परेका छन् ।

इलाका प्रहरी कार्यालय यदुकोहाका अनुसार राति १ बजे बेहुला र बेहुलीको स्वयम्बर सकिएपछि त्यहीँका केही व्यक्तिले बेहुली भगाएका छन् । बेहुलीको पहिलादेखि नै प्रेम परेको कारण पहिलाकै प्रेमीसँग भागेको स्थानीय बासिन्दाको आशंका छ ।

मैथिली परम्परा अनुसार स्वयम्बरपछि विवाहको मूलविधि सिन्दुरदान र कन्यादान हुने गर्दछ । बेहुला बेहुलीको स्वयम्बर सकिएर सिन्दुरदान र कन्यादानको तयारी भएको बेला बेहुली भागेकी हुन् । विवाहको मूल विधि हुने बेला बेहुली भागेपछि गाउँमा खैलाबैला मच्चिएको छ भने विवाहको लागि आएका बेहुला र जन्ती निराश भएका छन् ।

कमेन्ट गर्नुहोस्

%d bloggers like this: