शिक्षक आन्दोलनः भोलि देशभरका सामुदायिक विद्यालय बन्द

काठमाडौं, फागुन २० । राहत तथा बाल विकासमा कार्यरत शिक्षकहरुको प्रदर्शनमा आज पनि प्रहरीले हस्तक्षेप गरेको छ । स्वतः आफूहरुलाई स्थायी हुने कानुनी व्यवस्था गर्न सरकारसँग माग गर्दै आएका शिक्षकहरुको प्रदर्शनमा प्रहरीले हस्तक्षेप गरेको हो ।

माइतीघर मण्डलाबाट नयाँ बानेश्वर पुगेका प्रर्दशनकारीहरुले नयाँ बानेश्वरमा निषेधित क्षेत्र तोडन लागेपछि प्रहरीले पानीको फोहोरा र अश्रुग्यास समेत प्रहार गरेको थियो । यता, राहत तथा बाल विकास केन्द्रमा कार्यरत शिक्षकहरुले भने आफूहरुको शान्तिपूर्ण आन्दोलनमा प्रहरीले हस्तक्षेप गरेको भन्दै विरोधमा मंगलबार देशभरका सामुदायिक विद्यालयहरुको पठनपाठन बन्द गर्ने घोषणा गरेका छन् ।

याे पनि पढ्नुस  एसईई र वार्षिक परीक्षा आउनै लाग्दा ९० हजार शिक्षक राजधानीमा

गएको असोज २२ गते आफूहरुको सबै माग पूरा गर्ने सम्झौता सरकारले अझै कार्यान्वयनमा नल्याएपछि आफूहरु आन्दोलनमा गर्न बाध्य हुनु परेको नेपाल राहत शिक्षक संघ, केन्द्रिय कार्य समितिका अध्यक्ष खेमराज अधिकारीले जानकारी दिए । उहाँले संघीय शिक्षक ऐनमा आफूहरुलाई स्वतः स्थायी हुने व्यवस्था नगरेसम्म आन्दोलन जारी राख्ने चेतावनीसमेत दिए । राहत तथा बाल विकास केन्द्रमा कार्यरत शिक्षकहरुले आफूहरुलाई स्वतहः स्थायी बनाउनुपर्ने माग गर्दै सरकारलाई दवाव दिँदै आएका छन् ।

याे पनि पढ्नुस  फेरि आन्दोलनमा उत्रिए राहत तथा अस्थायी शिक्षक, यो पटक पूरा होलान् माग?

कमेन्ट गर्नुहोस्