दोहोरो नागरिकता लिने बाबुछोरा कारागार चलान

पर्वत, फागुन २१ । झुट्टा विवरण पेश गरी दोहोरो नागरिकता लिएको अभियोगमा यहाँ बाबुछोरालाई पर्वत जिल्ला अदालतले जरिवानासहित कैद सजाय सुनाएको छ ।

तनहुँ जिल्ला साविकको माझकोट गाविस–२ घर भई पोखरामा डेरा लिई बस्दै आएका दलबहादुर कुमाल र उनका छोरा सुजन थापा भन्ने मीनबहादुर कुमाललाई पर्वत जिल्ला अदालतले कसुर ठहर गरी सजाय सुनाएको हो ।

दलबहादुरका छोरा मीनबहादुरले जिल्ला प्रशासन कार्यालय तनहुँबाट नेपाली नागरिकता लिएपछि पुनः जिल्ला प्रशासन कार्यालय पर्वतबाट झुट्टा विवरण लेखाई सुजन थापा नाम राखेर दोस्रो नागरिकता लिएका थिए । जिल्ला प्रशासन कार्यालय पर्वतबाट २०६३ जेठ ३ मा जारी भएको सुजन थापा नामको नागरिकताको प्रमाणपत्रसहित निज मीनबहादुर कुमाललाई २०७४ माघ १३ मा पर्वत प्रहरीले गोप्य सूचनाका आधारमा नियन्त्रणमा लिएको थियो ।

याे पनि पढ्नुस  कृषिमन्त्री खनालको योजना, विषादी प्रयोग रोक्नेदेखि उत्पादन निर्यातसम्म

उक्त विषयमा प्रहरीले सोधपुछ गर्दा निज कुमालले आफूले झुट्टा विवरण पेश गरी नागरिकता लिएको स्वीकार गरेपछि सोही प्रमाणका आधारमा कुमाललाई जिल्ला अदालत पर्वतबाट झुट्टा विवरण पेश गरी दोहोरो नागरिकता लिएको अभियोगमा मुद्दा दर्ता गरी अनुसन्धान प्रक्रिया अघि बढाइएको थियो।

पर्वत जिल्ला अदालतका न्याहिना कैद सजायसँगै रु २० हजार जरिवाना सजाय सुनाएको छ भने उनका बाबु दलबहादुरलाई एक वर्ष कैद सजायसँगै रु २० हजार जरिवाना र नागरिकता प्रमाणपत्र बनाउनका लागि सिफारिश गर्ने तत्कालीन पर्वत जिल्ला कुर्घा गाविसका सचिव पिताम्बर शर्मालाई रु १५ हजार जरिवानाको फैसला सुनाएको छ ।

याे पनि पढ्नुस  पीपीएल फाइनलः घरेलु टोली पोखरा र चितवनको खेल सुरु (लाइभ)

सोही घटनामा संलग्न रहेको आरोपमा पर्वत जिल्ला अदालतबाट मुद्दा खेपिरहेका तत्कालीन सहायक प्रमुख जिल्ला अधिकारी गोपीकृष्ण ढुङ्गाना र नागरिकता फाँटका कर्मचारी लोकनारायण लामिछानेलाई अदालतले सफाइ दिएको छ । घटनाका आरोपित मीनबहादुर र दलबहादुर यसअघि नै कारागारमा पुर्पक्षका लागि थुनामा छन् भने तत्कालीन गाविस सचिव शर्मा र सहायक प्रमुख जिल्ला अधिकारी निवृत्त भएका छन् । फाँटवाला लामिछानेको एक वर्षअघि नै मृत्यु भइसकेको थियो ।

यौन दुव्र्यवहारका अभियुक्तलाई डेढ वर्ष कैद

तेह्र वर्षीया बालिकालाई यौन दुव्र्यवहार गरेको कसुरमा जिल्लाको मोदी गाउँपालिका–८ चित्रेका २० वर्षीय राजेश नेपाली कारागार चलान भएका छन् । पर्वत जिल्ला अदालतको आइतबारको फैसलाले एक वर्ष छ महीना कैद र रु १५ हजार क्षतिपूर्तिसहित १५ हजार जरिवानाको सजाय सुनाएको छ । अभियुक्त नेपालीले १३ वर्षीया बालिकालाई मङ्सिर २६ गते ललाइफकाइ गरी करणी प्रयास गरेको आरोपमा पुस २ गते पर्वत जिल्ला अदालतमा यौनजन्य अपराध शीर्षकमा मुद्दा दर्ता भएको थियो ।

याे पनि पढ्नुस  बन्दको अवज्ञा गरेको भन्दै ४ सवारीमाथि तोडफोड र आगजनी

आफन्तको घरमा जाँदै गरेकी बालिकालाई बाटोमा फकाइ उनले करणीसम्बन्धी कसुर गरेको प्रारम्भिक अनुसन्धानमा देखिएपछि नेपालीविरुद्ध मुद्दा दर्ता भएको थियो । पीडित बालिकाको पुस १ गते जिल्ला स्वास्थ्य कार्यालय पर्वतमा स्वास्थ्य परीक्षण सम्पन्न भएको थियो । रासस

कमेन्ट गर्नुहोस्