नेकपाका नेता तथा पूर्वसांसद पण्डितको निधन

काठमाडौं, फागुन २१ । नेपाल कम्युनिस्ट पार्टी (नेकपा) का नेता तथा पूर्वसांसद गणेश पण्डितको मंगलबार निधन भएको छ । हृदयाघात भएपछि उपचारका क्रममा ७० वर्षीय पण्डितको शिक्षण अस्पताल महाराजगञ्जमा दिउँसो २ बजे निधन भएको प्रदेश सांसद केशव पाण्डेले जानकारी दिए ।

याे पनि पढ्नुस  अध्यक्ष प्रचण्डद्वारा पूर्वसांसद पण्डितप्रति श्रद्धाञ्जलि

विसं २०४८ को निर्वाचनमा उनी नुवाकोट–२ बाट तत्कालीन नेकपा (एमाले) बाट निर्वाचित भएका थिए। विसं २०५६ को निर्वाचनमा उनी नुवाकोटबाट तत्कालीन नेकपा (माले) बाट उम्मेदवार बनेका थिए ।

नेपाल राष्ट्रिय शिक्षक सङ्गठनको केन्द्रीय उपाध्यक्षसमेत रहेका पण्डित २०४२ सालका बमकाण्डमा गिरफ्तारमा परेका थिए । त्यसपछि उनी झण्डै आठ महिना प्रहरी हिरासतमा रहेका थिए । तत्कालीन राष्ट्रिय पञ्चायत सदस्यमा समेत उनी नुवाकोटबाट उम्मेवार बनेका थिए । काठमाडौको बसुन्धरामा बस्दै आएका पण्डितका दुई छोरा, तीन छोरी र श्रीमती रहनुहुन्छ । पछिल्लो समय उनी पार्टीमा निष्क्रिय रहेका थिए ।

कमेन्ट गर्नुहोस्