टीकापुर घटनाको प्रतिवेदन सार्वजनिक गर्न सभामुख महराको निर्देशन

काठमाडौं, फागुन २६ । टीकापुर घटनाका मुख्य आरोपी भनिएका रेशम चौधरीलाई आजीवन कारावासको सजाय तोकिएको साता दिनपछि सभामुखले घटनामाथि छानबीन आयोगको प्रतिवेदन सार्वजनिक गर्न सरकारलाई निर्देशन दिएका छन् ।

सभामुख महराले प्रतिनिधि सभाको आजको बैठकमा टीकापुर घटनाको छानबिन गर्न गठित आयोगको प्रतिवेदन सार्वजनिक नहुनुको कारण संसदलाई जानकारी गराउन सरकारलाई निर्देशन दिएका हुन ।

याे पनि पढ्नुस  आधुनिक प्रविधि प्रयोगबाट केराको बेर्ना उत्पादन

टीकापुर घटनाको छानबिन गर्न सर्वोच्च अदालतका पूर्वन्यायाधीश गिरिशचन्द्र लालको नेतृत्वमा छानबीन आयोग गठन भएको थियो । उक्त प्रतिवेदन हालसम्म पनि सार्वजनिक नभएको भन्दै राजपा सांसदहरुले प्रश्न गरेपछि प्रतिवेदन किन सार्वजनिक नभएको हो भन्ने विषयमा जवाफ दिन सरकारलाई निर्देशन दिएका हुन् ।

याे पनि पढ्नुस  गुजरातबाट चोरेर ल्याएको ७१ लाख ७९ हजारसहित एकजना पक्राऊ

आइतबारको बैठकमा राष्ट्रिय जनता पार्टी नेपालले लाल आयोगको प्रतिवेदन सार्वजनिक गर्न माग गर्दै संसद बैठक अवरोध गरेपछि सभामुख महराले सरकारलाई जवाफ दिन निर्देशन दिएका हुन् ।

राजपा अध्यक्ष मण्डलका संयोजक महेन्द्र राय यादवले सरकारले आफ्नो कमजोरी सार्वजनिक हुने डरले लाल आयोगको प्रतिवेदन सार्वजनिक नगरिएको आरोप लगाए । राजपाले उठाएको विषय गम्भीर र विशेष महत्वको रहेको र यसमा संसदको ध्यानाकर्षण भएको भन्दै सभामुख महराले यस विषयमा जवाफ दिन सरकारलाई निर्देशन दिएका हुन् ।

कमेन्ट गर्नुहोस्