बंगलादेशविरुद्ध न्यूजिल्याण्डका टेलरको दोहोरो शतक

काठमाडौं, फागुन २७ । बंगलादेश विरुद्धको टेस्ट सिरिजको तेस्रो खेलमा न्यूजिल्याण्डका रोस टेलरले दोहोरो शतक प्रहार गरेका छन् । उनले २१२ बलमा १९ चौका र ४ छक्का प्रहार गर्दै बंगलादेशविरुद्ध दोहोरो शतक प्रहार गरेका हुन् । टेलरको दाेहाेराे शतककाे मद्दतले पहिलो इनिङमा न्यूजिल्याण्डले ६ विकेट गुमाउँदै ४३२ रन बनायो ।

याे पनि पढ्नुस  बंगलादेशसँगको पहिलो टेस्टमा न्यूजिल्याण्ड विजयी

उसका लागि हेनरी निकोलसले १०७, कोलिन डी ग्रेण्डहोमले नटआउट २३, कप्तान केन विलियम्सनले ४, जीत रावलले ३, बीजे वेइटिङले ८ रन बनाए ।

बलिङमा बंगलादेशका अबु जयदले ३, तजुल इस्लामले २, मुस्ताफिजुर रहमानले एक विकेट लिए । यसअघि, टस हारेर ब्याटिङको निम्तो पाएको बंगलादेशले पहिलो इनिङमा ६१ ओभरमा २११ रन बनाउँदै अलआउट भयो ।

याे पनि पढ्नुस  बंगलादेशविरुद्ध न्यूजिल्याण्ड कप्तानको दोहोरो शतक

उसका लागि तमिम इग्बालले सर्बाधिक ७४, शदमान इस्लामाले २७, लिटन दासले ३३, शाैम्य सरकारले २०, मोमिनुल हकले १५, कप्तान मोहमदल्लाहले १३ रन बनाउनु बाहेक अइनले दोहोरो अंकसमेत बटुल्न सकेनन् ।

बलिङमा न्यूजिल्याण्डका नील बैगररले ४, ट्रेन्ट बोल्टले ३, टिम साउथी, कोलिन डी ग्रेण्डहोम र म्याट हेन्रीले एक—एक विकेट लिए । ३ खेलको यो सिरिजमा न्यूजिल्याण्ड १—० लेअगाडि छ ।

कमेन्ट गर्नुहोस्