भद्रगोलका पाँडेको चरित्रप्रति पाण्डे समाजको आपत्ति (विज्ञप्तिसहित)

काठमाडौं, फागुन २८ । नेपाल टेलिभिजनबाट प्रशारण भइरहेको हास्य टेलिश्रृंखला भद्रगोलका प्रमुख पात्र हुन् पाँडेको चरित्रप्रति नेपाल पाण्डे समाजले आपत्ति जनाएको छ । पाँडेको चरित्रप्रति विरोध जनाउँदै हालै पाण्डे थर भएकाहरुको संगठन ‘नेपाल पाण्डे समाज’ ले कार्यक्रम उत्पादक मिडिया हबलाई पत्रसमेत पठाएको छ । पत्रमा पाँडे पात्रलाई कहिलेकाहीँ अतिशयोक्ति र कपोलकल्पित रुपमा प्रस्तुत गर्दा समस्त पाँडेहरुको मनमा चोट लागेको उल्लेख छ ।

याे पनि पढ्नुस  ‘भद्रगोल’का सीतेबा ब्याडमिन्टन प्रतियोगिता आयोजना गर्दै, प्रतियोगीतामा धुर्मुस सुन्तली भिड्दै

विज्ञप्तिमा भनिएको छ, ‘मुलुकको एकीकरणदेखि हालसम्म विभिन्न स्थान र योग्यताबाट पुर्‍याएको उच्चस्तरको योगदानलाई चटक्कै भुलेर हाँस्य पात्रको रुपमा चित्रण गर्दा जोसुकैको मन दुख्नु स्वभाविकै हो । तसर्थ समाजमा असर पुर्‍याउने कथा र प्रदर्शन नस्वीकार्ने व्यहोरा जानकारी गराउँदै ध्यानाकर्षण गराउँछौं ।’

याे पनि पढ्नुस  ‘को बन्छ करोडपति ?’को सेटमा भद्रगोल टिम

भद्रगोलको उत्पादक मिडिया हबलाई पठाइएको सो पत्रमा पाँडे समाजका महासचिव सागर पाण्डेले हस्ताक्षर गरेका छन् । पत्रको वोधार्थ नेपाल टेलिभिजनलाई पनि पठाइएको छ । हेर्नुस् यस्तो छ पाण्डे समाजको विज्ञप्ति-

कमेन्ट गर्नुहोस्