कोरियाली भाषा परीक्षा जेठमा, चैत ८ देखि १७ गतेसम्म आवेदन

काठमाडौं, फागुन २८ । रोजगार अनुमति प्रणाली (इपिएस) अन्तर्गत सन् २०१९ का लागि प्रथम चरणको कोरियाली भाषा परीक्षा आगामी जेठमा हुने भएको छ । वैदेशिक रोजगार विभाग इपिएस कोरिया शाखाले मंगलबार एक सूचना जारी गर्दै भाषा परीक्षाका लागि आगामी चैत ८ देखि १७ गतेसम्म आवेदन दर्ता गर्न सकिने जनाएको छ ।

याे पनि पढ्नुस  दक्षिण कोरियाले उत्तरकोरिया विरुद्धको प्रचार कार्यालय हटायो

आवेदकको परीक्षा काठमाडौं र पोखरा केन्द्रबाट सञ्चालन गरिनेछ। दरखास्त दर्ता गर्दा नै परीक्षार्थीले आफूले परीक्षा दिन चाहेको केन्द्र रोज्नुपर्ने इपिएस शाखाले जनाएको छ। पोखरा केन्द्रको हकमा पहिलो आउने १२ हजार मात्रले आवेदन फाराम भर्न सक्नेछन्। भाषा परीक्षाका लागि इपिएस शाखाको वेबसाइटबाट अनलाइनमार्फत फारम भर्न सकिने छ। परीक्षाको विस्तृत विवरण आगामी जेठ १९ गते प्रकाशन गरिने छ।

याे पनि पढ्नुस  अभ्यासका नाममा उत्तेजक व्यवहार नदेखाउन अमेरिकालाई उत्तर कोरियाको चेतावनी

यसअघि कोरिया सरकारले नेपालीलाई उपलब्ध गराउँदै आएको साविकको कोटा यस पटकदेखि केही सङ्ख्यामा वृद्धि भएको छ। सन् २०१९ का लागि कोरिया सरकारले १० हजार ५० कामदार लैजाने भएको छ।

पछिल्लो वर्ष कोरिया सरकारले भाषा परीक्षामार्फत आठ हजार नेपालीलाई रोजगारीको अवसर उपलब्ध गराएको थियो। उत्पादनमूलक क्षेत्रतर्फ सात हजार ५० र कृषि तथा पशुपालनतर्फ तीन हजार कामदार लैजाने कोरियाले जनाएको छ।

कमेन्ट गर्नुहोस्