Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

बुधबारदेखि राजपाले संसद चल्न नदिने

काठमाडौं, फागुन २९ । नेपाल सरकारलाई दिएको समर्थन अघिल्लो हप्ता फिर्ता लिएको राष्ट्रिय जनता पार्टीले बुधबारदेखि संसद अवरुद्ध गर्ने भएको छ ।

न्यायाधीस गिरिशचन्द्र लाल नेतृत्वको न्यायिक आयोगको प्रतिवेदन सार्वजनिक गर्न माग गर्दै राजपाले संसद अवरुद्ध गर्न लागेको हो । मधेश तथा थरुहट आन्दोलनका क्रममा भएका घटनाको सम्बन्धमा न्यायिक छानविनका लागि सरकारले लालको नेतृत्वमा छानविन आयोग गठन गरेको थियो ।

तर, लाल आयोगको प्रतिवेदन सार्वजनिक नहुँदा कैलाली १ बाट निर्वाचित सांसद रेशमलाल चौधरी थुनामा रहनु परेको निष्कर्ष राजपाको छ ।

‘न्यायिक आयोगको प्रतिवेदन सार्वजनिक नगरी प्रहरी प्रतिवेदनको आधारमा सांसद चौधरीलाई फसाउने काम गरिएको छ’ राजपा अध्यक्ष मण्डलका सदस्य राजकिशोर यादवले भने, त्यसैले, त्यो प्रतिवेदन सार्वजनिक गर्न हामी दबाब दिने छौं ।’ प्रतिनिधिसभाको बैठक बुधबार दिउसो १२ बजे बस्दै छ । बैठक सुरु हुनासाथ राजपाका सांसदहरुले बेल घेराउ गर्नेछन् ।

स्मरणीय छ, जेलमा रहेका सांसद चौधरी सहित राजपाले प्रतिनिधि सभामा १७ सिटमा विजय हासिल गरेको थियो । नेपालखबरबाट

कमेन्ट गर्नुहोस्

%d bloggers like this: