टाँडी प्रहरीः अप्रेसन ‘एक टोल एक घण्टा’

काठमाडौं, फागुन ३० । चितवनको टाँडी इलाकामा प्रहरीले अप्रेशन ‘एक टोल एक घण्टा’ अभियान सञ्चालन गरेर एक लाख ७ हजार लिटर अवैध घरेलु मदिरा नष्ट गरेको छ ।

इलाका प्रहरी कार्यालय टाँडीका प्रमुख (डिएसपी) दयानिधि ज्ञवालीको नेतृत्वमा फागुन २३ गतेदेखि शुरु भएको अप्रेसन ‘एक टोल एक घण्टा’ अभियानका क्रममा ठुलो परिणाममा घरेलु मदिरा नष्ट गरिएको बताइएको छ ।

याे पनि पढ्नुस  राजधानीमा स्वाइन फ्लुबाट मर्नेको संख्या चार पुग्यो

टाँडी क्षेत्रका हरेक टोलमा एक घण्टा सर्च अप्रेसन चलाउँदा मदिरा नियन्त्रणसँगै अवैध नदीजन्य पदार्थ ओसारपसारमा संलग्न एक दर्जन ट्रिपर तथा ट्रयाक्टरहरुलाई कारबाही गरिएको डिएसपी दयानिधि ज्ञवालीले जानकारी दिएका छन् ।

अप्रेसन ‘एक टोल एक घण्टा’ अभियानका क्रममा पूर्वी चितवनको कालिका, रत्ननगर, खैरहनी र राप्ति नगरपालिकाका विभिन्न टोलहरुमा सर्च अप्रेसन गरिएको थियो ।

याे पनि पढ्नुस  ट्राफिक पुलिसले फेला पार्याे हराएका १६ मोटरसाइकल

‘अभियानको क्रममा हामीले अहिलेसम्मकै ठुलो परिणाममा अवैध मदिरा नष्ट गर्न सफल भएका छौं’ डिएसपी ज्ञवालीले भने, ‘पूर्वी चितवनका विभिन्न स्थानबाट १३ जनालाई नियन्त्रणमा लिएर कानुनी दायारामा ल्याएका छौं ।’ टाँडी प्रहरीले राप्ती नगरपालिका–३ झुरझुरेका किरण गुरुङलाई घरेलु हातहतियार सहित पक्राउ गरी कारवाही अगाडि बढाएको छ ।

याे पनि पढ्नुस  महानगरपालिकाले राजधानीका फोहोर अझै नियन्त्रणमा ल्याउन सकेन

अभियानको क्रममा प्रहरीले १ सय ४२ वटा सवारी साधनलाई कारबाही गरेको छ ।

चितवन प्रहरीले चलाएको थ्रि–एस अपरेशन अन्र्गत पूर्वी चितवनको एक हप्ते अभियान सञ्चालन गरेको जानकारी दिँदै चितवनका एसपी सुशीलसिंह राठौरले अभियानलाई निरन्तरता दिने बताएका छन् ।

कमेन्ट गर्नुहोस्