Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

जन्मदिनको अवसर पारेर आमिरले गरे यस्तो घोषणा

मुम्बई, चैत १ । गतवर्ष प्रदर्शनमा आएको बलिउड चलचित्र ‘ठग्स अफ हिन्दुस्तान’ पछि अभिनेता आमिर खानको नयाँ चलचित्र कुन हुने छ ? भन्ने तमाम अनुमान र अड्कललाई पूर्णविराम लगाउँदै आफ्नो नयाँ चलचित्रको घोषणा गर्दै आमिरले आफ्नो ५४औं जन्मदिन मनाएका छन् ।

श्रीमती किरण रावसँग मिडियाको सामुन्ने ‘बर्थडे’ केक काट्दै आमिरले आफ्नो नयाँ फिल्मको औपचारिक निर्माण घोषणा गरे।

उनको नयाँ चलचित्र चर्चित हलिउड फिल्म ‘फरेस्ट गम्प’को रिमेक हुने छ र यसको हिन्दीमा ‘लालसिंह चड्ढा’ नाम राखिएको छ । आमिरका अनुसार, १९९४ मा रिलिज भएको र ६ अस्कार अवार्ड जितेको ‘फरेस्ट गम्प’ उनको सबैभन्दा मनपर्ने फिल्ममध्येको एक हो । वायकम १८ मोशन पिक्चर्ससँग मिलेर उनले यो फिल्म बनाउन लागेका हुन् । निर्देशन अद्वैत चन्दनले गर्नेछन् ।

अद्वैतले यसअघि आमिरको फिल्म ‘सिक्रेट सुपरस्टारु निर्देशन गरेका थिए, जुन उनको डेब्यू फिल्म थियो । २०१७ मा रिलिज भएको फिल्ममा आमिर विशेष रोलमा थिए । फिल्म निर्देशन गर्नुभन्दा पहिला अद्वैत, आमिर खानको म्यानेजर थिए । डेब्यू फिल्म नै बक्सअफिसमा उत्कृष्ट ठहरिएपछि उनलाई बलिउडमा राम्रो सम्भावना बोकेको निर्देशकको रुपमा हेरिएको छ ।

आमिरले ुलाल सिंह चड्ढाु को छायांकन र टम ह्याङक्सले निभाएको चरित्रलाई आफ्नो अन्दाजमा निभाउनका लागि तयारी सुरु गरिसकेका छन् । लाल सिंह चड्ढाको रोल निभाउनका लागि उनले २० केजी तौल घटाउनु पर्नेछ । फिल्मको अक्टोबरबाट छायांकन सुरु हुँदैछ । आमिरले ‘फरेस्ट गम्प’को राइट्स पाउन ८ वर्ष लागेको बताएका छन् । एजेन्सी

कमेन्ट गर्नुहोस्

%d bloggers like this: