Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

एसियन युथ एथ्लेटिक्समा नेपालले जित्यो स्वर्ण पदक

काठमाडौं, चैत ३ । हङकङमा जारी एसीयाली यूथ एथ्लेटिक्स च्याम्पियनसिपमा अजितकुमार यादवले नेपालका लागि ऐतिहासिक स्वर्ण जितेका छन्।

एसियाली स्तरको एथ्लेटिक्समा नेपालले जितेको यो पहिलो स्वर्ण पदक हो। हङकङमा आइतबार भएको ३ हजार मिटरको प्रतिस्पर्धामा अजितले निर्धारित दूरी ८ मिनेट ३० दशमलव ३२ सेकेन्डमा पार गरेर स्वर्ण जितेका हुन्।

उनले भारतका अमित जानगिन र यमनका गुमिल अल हमातीलाई पछि पार्दै ऐतिहासिक सफलता हात पारे। अमितलाई अजितले ६ सेकेन्डले पछि पारेका थिए। अमितले निर्धारित दूरी ८ मिनेट ३६ दशमलव ३४ सेकेन्डमा पार गरे भने तेस्रो बनेका यमनका हमातीले ८ मिनेट ३८ दशमलव ६० सेकेन्डमा निर्धारित दूरी पुरा गरे।

एसियाली युथ एथलेटिक्समा ४० स्पर्धामा प्रतिस्पर्धा भइरहेको छ। जसमा अहिलेसम्म सबैभन्दा बढी चीनले १२ स्वर्ण जितेको छ। भारतले ८, जपानले ६, चाइनिज ताइपेइले ३, काजकिस्तान र इरानले २–२ स्वर्ण जितेका छन्। नेपालसहित ७ देशले १–१ स्वर्ण हात पारेका छन।

कमेन्ट गर्नुहोस्

%d bloggers like this: