Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

शिक्षा सेवाका उप–सचिवको समायोजन एक महिना ढिलो हुने

काठमाडौं, चैत ७ । शिक्षा सेवाका उप–सचिवको समायोजन एक महिना ढिलो हुने भएको छ । जिल्ला स्तरमा रहने शिक्षा विकास तथा समन्वय इकाइका प्रमुख पनि समायोजनामा परेको तर ती कर्मचारीहरु तत्काल सरुवा भएर जाँदा एसईईको परीक्षा प्रभावित हुने भएकाले उप–सचिवको समायोजन एक महिना ढिलो हुने भएको हो ।

संघ, प्रदेश र स्थानीय तहमा समायोजना भएको शिक्षा सेवाका उप–सचिवले चैत २१ गतेसम्म पुरानै ठाउँमा काम गर्नुपर्ने छ । फागुन २१ गतेको निर्णय अनुसार समायोजना भएका उप–सचिवलाई सम्बन्धित कार्य स्थलमा पठाइ सकिएको भएपनि तत्काल माध्यमिक शिक्षा परीक्षा (एसइई) को परीक्षा परेकोले पुरानै ठाउँमा काम गर्न शिक्षा विज्ञान तथा प्रविधी मन्त्रालयले निर्देशन दिएको छ ।

मन्त्री स्तरीय निर्णय अनुसार अनुसार एसईई परीक्षा सम्पन्न हुने अन्तिम मिति चैत २१ गतेपछि मात्र नयाँ कार्यालयमा जान उप–सचिवलाई निर्देशन दिइएको छ । समन्वय इकाइका प्रमुख एसईई परीक्षा सञ्चालनको लागि जिल्लामा रहने परीक्षा सञ्चालन समन्वय ईकाइको सदस्यसचिव हुने व्यवस्था छ । एसईई परीक्षा चैत १० गतेदेखि सञ्चालन हुँदैछ ।

कमेन्ट गर्नुहोस्

%d bloggers like this: