कतारसँग नेपाल ५ गोलले पराजित, समूह चरणबाटै बाहिरियो

काठमाडौं, चैत ११ । नेपाल एएफसी यू-२३ च्याम्पियनसिपको छनोट प्रतियोगिताबाट बाहिरिएको छ। छनोटअन्तर्गत समूह ए को दोस्रो खेलमा आइतबार राति कतारसँग ५-० ले पराजित भएसँगै नेपालको अन्तिम चरणमा छनोट हुने सम्भावना सकिएको हो। यसअघि नेपाल कुवेतसँग बराबरीमा रोकिएको थियो।

खेलको २४ औं मिनेटमा कतारलाई अब्दुल्ला अलहरकले पेनाल्टी गोल मार्फत अग्रता दिलाएका थिए। ५३औं मिनेटमा अल रावीले कतारको अग्रता दोब्बर पारे। यस्तै ६०औं मिनेटमा कतारले आत्मघाती गोल उपहार पायो। कतारी खेलाडीको प्रहार रोक्ने क्रममा दिनेश राजवंशीलाई लाग्दै गोल भएको थियो। रावीले ७९ औं मिनेटमा फ्रिकिकमा सिधै गोल गर्दै कतारको अग्रता ४-० मा पुर्याए।

याे पनि पढ्नुस  साफ च्याम्पियनसिपः नेपाल सेमिफाइनलमा माल्दिभ्ससँग भिड्ने, नतिजा कसको पक्षमा ?

इन्ज्युरी समयको दोस्रो मिनेटमा अब्दुल्ला अलहरकले मैदानको मध्यभागबाट गरेको प्रहार गोलरक्षक अर्पण कार्कीले फुस्काएपछि कतारले ५-० को जित हात पार्यो। अब नेपालले खेल मंगलबार अफगानिस्तानविरुद्ध खेल्नेछ।

कमेन्ट गर्नुहोस्