आगामी चैत २९ गते चलचित्र ‘ए मेरो हजुर ३’को प्रदर्शनमा

काठमाडौं, चैत १३ । नेपाली चलचित्र क्षेत्रमा आफ्नो जीवन्त अभिनयबाट चिनिएकी चर्चिक नायिका झरना थापाको अहिले नयाँ परिचय फेरिएको छ । अहिले उनी अभिनेत्रीबाट निर्देशक भएकी छिन् । उनको डेब्यू निर्देशित चलचित्र ‘ए मेरो हजुर २’ गतवर्ष प्रदर्शनमा आएको थियो । यो चलचित्र गतवर्षको सुपरहिट चलचित्रमध्येको एक हो । यही फिल्मको तेस्रो सिरिजबाट फेरि उनी निर्देशकको रुपमा दर्शकमाझ पुग्दैछिन् ।

अभिनयबाट दूरी बनाएर अब निर्देशकको रुपमा आफूलाई स्थापित गर्न संघर्षरत उनले आफूले हिँडेको बाटोमा आफ्नी छोरी सुहाना थापालाई पनि लिएर आएकी छन् । सुहानाले चलचित्र ‘ए मेरो हजुर ३’मा अभिनेता अनमोल केसीको जोडी भएर काम गरेकी छन् । ४ वर्षको हुँदा उनले यो फिल्मको पहिलो भागमा बाल कलाकारको रुपमा काम गरेकी थिइन् ।

याे पनि पढ्नुस  आगामी वैशाख २० गतेदेखि चलचित्र ‘दाल भात तरकारी’ देशव्यापी प्रदर्शनमा

आगामी चैत २९ गतेबाट प्रदर्शनमा आउन लागेको चलचित्र ‘ए मेरो हजुर ३’को दुई गीतबाटै सुहानालाई फिल्म क्षेत्रले सम्भावना बोकेकी अभिनेत्रीको रुपमा हेरेको छ । उनको सुन्दरता र ‘एक्सप्रेसन’को धेरैले प्रशंसा गरेका छन् । अब चलचित्रमा उनको काम हेर्न दर्शकमात्र नभएर फिल्मकर्मी पनि आतुर छन् । ‘फिल्मी ब्लड’ भएका कारण उनको काम राम्रो हुने विश्वास धेरैको छ ।

याे पनि पढ्नुस  हाई वजेट हाई क्वालेटीमा चलचित्र 'किमिनल' को शुभ मुहुर्त सम्पन्न

बुधवार चलचित्रको ट्रेलर प्रदर्शन र आफ्नो बर्थ डे केक काट्दै अभिनेत्री तथा निर्देशक झरना थापाले छोरी सुहानाको तारिफ गर्न कुनै कसर बाँकी राखिनन् । उनले चलचित्र हेरेपछि सुहानाको जो कोहीले तारिफ गर्ने दाबी समेत गरेकी छन् । उनले भनिन्, ‘जसरी मैले विगतमा यहाँहरुको मन–मस्तिष्कमा बस्न सफल भएँ । यहाँहरुलाई रिझाउन सकेँ । सुहाना पनि यसमा सफल हुनेछिन् ।’

‘सुहानाले फिल्ममा राम्रो काम गरेकी छन् । चलचित्र हेरेपछि तपाईंहरुले पनि उसको प्रशंसा गर्ने छ । यो म एउटी आमा भएर भनेको होइन । निर्देशक भएर ‘कन्फिडेन्ट’का साथ भनेको हुँ’, उनले अगाडि भनिन्, ‘म आफू हिँडेको बाटोमा छोरीलाई पनि लिएर आएको छु । आजबाट तपाईंहरु माझ मेरी छोरी सुहानालाई सुम्पिएको छु । तपाईंहरुले आर्शिवाद र साथ दिनुहोला ।’

याे पनि पढ्नुस  राजेश हमाल ५५ वर्षमा प्रवेश

यो फिल्मको ट्रेलर भने बिहीवार दिउँसोमात्र युटयुबमा सार्वजनिक हुने छ । फिल्मको ट्रेलर रिलिज कार्यक्रममा अभिनेता अनमोल, सलोन बस्नेत, सरोज खनाल, रेअर राईलगायत उपस्थित थिए । ट्रेलरमा अनमोललाई सुपरस्टार गायक र एक साधारण युवक गरि दुई अवतारमा देख्न सकिन्छ । फिल्मले एक स्टार र फ्यानबीचको प्रेमकथा भनेको झरना बताउँछिन् ।

कमेन्ट गर्नुहोस्