हृदयघात भएका यात्रुलाई बीच बाटौमै अलपत्र छाड्ने ट्याक्सी चालक पक्राउ

काठमाडौं, चैत १५ । हृदयघात भएका बिरामी यात्रुलाई हस्पिटल लैजानुको साटो जर्बजस्ती ट्याक्सी भित्रबाट तानेरै बाटोमा छाडेर भाग्ने ट्याक्सी चालक पक्राउ परेका छन् ।

गत फागुन १३ गते बुधबार चावहिल चोकस्थित हेल्पिङ्ग ह्याण्ड्स अस्पताल अगाडिको खाली भागमा बा.१.ख ३८५१ नम्बरको ट्याक्सी चालक कमलबहादुर श्रेष्ठलाई महानगरीय प्रहरी वृत गौशलाले पक्राउ गरेको हो ।

याे पनि पढ्नुस  वामपन्थीको नेतृत्वमा संविधान संशोधन हुन्छ : झलनाथ खनाल

‘दोलखा मेलुङ स्थायी घर भएका ट्याक्सी चालक कमलबहादुर श्रेष्ठलाई पक्राउ गरेका छौँ,’ महानगरीय प्रहरी परिसर काठमाडौँका प्रवक्ता (डिएसपी) होविन्द्र बोगटीले भने, ‘मृतकलाई पोष्टमार्टमका लागी शिक्षण अस्पताल पठाइएको छ, ट्याक्सी चालकबारे थप अनुसन्धान भइरहेको छ ।’

गोकर्णेश्वर नगरपालिका –४ स्थायी घर भएका ६० वर्षीय गोपालका रञ्जित बुधवार मेडिकेयरमा उपचार गरेर ट्याक्सीमा घर फर्कंदै थिए । छोरा प्रविणका रञ्जित आफ्ना बाबुलाई ट्याक्सी चढाएर मोटरसाइकलमा घर फर्किएका थिए ।

याे पनि पढ्नुस  कारागारको निरीक्षणपछि गृहमन्त्रीले भने- रिपोर्ट नराम्रो सुनेको छु, गलत गर्नेलाई कारबाही हुन्छ

तर, ट्याक्सी चढेको केही मिनेटमा नै गोपालका रञ्जित छटपटाउन थालेपछि आफुले आत्तिएर ट्याक्सीबाट निकालेर भागेको चालक कमलबहादुर श्रेष्ठले प्रहरीसँगको बयानमा बताएका छन् । गोपालका रञ्जितले उपचार गराएको हस्पिटल मेडिकेयर र हेल्पिङ हेण्डस्को दुरी करिव ३ सय मिटर रहेको छ ।

याे पनि पढ्नुस  चन्द्रागिरि नगरपालिकालार्इ प्रभावकारी बनाउँदै बलम्बु प्रहरी

प्रहरीले निकै मेहनतपछी सिसिक्यामेरा फुटेजको सहायताले शंकास्पद ट्याक्सी चालक श्रेष्ठलाई पक्राउ गरेको हो ।

‘ट्याक्सी चालकले प्रहरीलाई खबर गर्ने वा हस्पिटलमा लगेर विरामी छाड्नुपथ्र्यो’ डिएसपी बोगटी भन्छन्, ‘गैरजिम्मेवार तरिकाले बाटैमा किन छाडियो भन्नेबारे अनुसन्धान भइरहेको छ ।’

ट्याक्सी चालकलाई प्रहरीले बुधवार साँझ नै नियन्त्रणमा लिएको थियो ।

कमेन्ट गर्नुहोस्