नेकपा एकीकरणः बागलुङका सबै स्थानीय तहमा एकता टुङ्गियो

बागलुङ, चैत १५ । नेपाल कम्युनिष्ट पार्टी (नेकपा) ले जिल्लाका दशवटै स्थानीय तहको एकता प्रक्रिया टुङ्गाएको छ । जिल्ला संयन्त्र बैठकले स्थानीय तहको नेतृत्वमा सहमति जुटाएको नेकपा बागलुङले जनाएको छ । पूर्व नेकपा (एमाले) र पूर्व (माओवादी केन्द्र) ले पाँच–पाँच स्थानीय तहमा नेतृत्वको जिम्मेवारी पाएका छन् । जसमा बागलुङ नगरपालिका, जैमिनी नगरपालिका, ढोरपाटन नगरपालिका, काठेखोला गाउँपालिका र बडिगाड गाउँपालिकाको अध्यक्ष पद पूर्व एमालेको भागमा परेको छ ।

यस्तै, गलकोट नगरपालिका, ताराखोला गाउँपालिका, बरेङ गाउँपालिका, निसीखोला गाउँपालिका र तमानखोला गाउँपालिकाको नेतृत्व पूर्व माओवादी केन्द्रले पाएको छ । एउटा दलको अध्यक्ष भएपछि सचिव स्वतः अर्को दलबाट हुने संयन्त्रका नेता इन्द्रलाल सापकोटाले बताए ।

याे पनि पढ्नुस  अब कर्णालीको विकासका लागि डटेर लाग्छौंः इन्चार्ज शर्मा

‘एकताको खाका टुङ्गिएको छ’ उनले भने, ‘व्यक्ति को भन्ने निर्णय प्रदेश समितिले गर्छ ।’ नेता सापकोटाका अनुसार स्थानीय तहका पार्टी संयन्त्रको सुझावका आधारमा जिल्लाबाट नाम सिफारिस हुनेछ । जिल्लामै नेतृत्व टुङ्गाएर अन्तिम निर्णयको लागि प्रदेश समितिमा पठाइने नेकपाले जनाएको छ ।

स्थानीय तहसँगै वडा समितिको एकता प्रक्रियालगत्तै टुङ्गिने संयन्त्रका नेता ज्ञामनाथ गैरे ‘अनिल’ ले बताए । ‘दशवटै स्थानीय तहमा पार्टी संयन्त्रको बैठक तोकिएको छ’ उनले भने, ‘वडाको नेतृत्व जिल्ला संयन्त्रले टुङ्गाउँछ ।’

याे पनि पढ्नुस  यी हुन पूर्वमाओवादीबाट नेकपामा केन्द्रीय सदस्य हुने ८८ जना, नामसहित

वडादेखि गाउँ, नगरसमितिको एकता प्रक्रिया चैतभित्रै सकिने नेकपाको दाबी छ । पार्टीका जनवर्गीय सङ्गठनको एकीकरणका लागि जनसङ्गठन एकता कार्यदल समेत गठन गरिएको छ । कार्यदलले सङ्गठनका कामको संयोजन, व्यवस्थापनसँगै एकता प्रक्रियाअघि बढाउनेछन् ।

जिल्लाको नेतृत्व पनि यथाशक्य छिटो टुङ्गिने जनाइएको छ । जिल्ला संयन्त्रले अध्यक्ष पदका लागि पूर्व एमालेबाट कृष्ण पाठक र पूर्व माओवादी केन्द्रबाट फमलाल न्यूरे र ज्ञामनाथ गैरे ‘अनिल’ को नाम सिफारिस गरेको छ । यस्तै, सचिव पदमा पूर्व एमालेबाट लालबहादुर थापा र पूर्व माओवादी केन्द्रबाट राजीव घिमिरेलाई सिफारिस गरेको छ । जिल्ला समितिको नेतृत्व भने पार्टी केन्द्रले अन्तिम टुङ्गो लगाउँदैछ ।

याे पनि पढ्नुस  पूर्वमन्त्री शर्मा भन्छन्, ‘कम्युनिष्ट पार्टीले मात्र कर्णाली समृद्ध बनाउन सक्छ’

बुधबार र बिहीबार गरी दुई दिनसम्म बसेको बैठकमा पार्टीका स्थायी कमिटी सदस्य एवं गण्डकी प्रदेशका इञ्जार्च पृथ्वीसुब्बा गुरुङ, अध्यक्ष हितराज पाण्डे लगायतको उपस्थिति रहेको थियो ।

कमेन्ट गर्नुहोस्