भारतपछि पाकिस्तानसँगको सिरिजमा पनि अष्ट्रेलियाकाे कब्जा

काठमाडौं, चैत १८ । पाकिस्तान विरुद्धको एकदिवसीय सिरिज अष्ट्रेलियाले ‘क्लिन स्विप’ गरेको छ । आइतबार राति भएको पाँचौं खेलमा पाकिस्तानलाई २० रनले हराउँदै अष्ट्रेलियाले सिरिज ‘क्लिन स्विप’ गरेको हो । सिरिजको अन्तिम खेलमा अष्ट्रेलियाले दिएको ३२८ रनको लक्ष्य पछ्याएको पाकिस्तानले निर्धारित ५० ओभरमा ७ विकेट गुमाउँदै ३०७ रन बनायो ।

याे पनि पढ्नुस  विश्वकपः रनको पहाड बनाउनुपर्ने खेलमा पाकिस्तानको खराब शुरुवात

उसका लागि हरिश सोहेलले १२९ बलमा १३० रन प्रहार गर्दा पनि टिमलाई जीत दिलाउन सकेनन् । उनले शतकीय पारी खेल्दा ११ चौका र ३ छक्का प्रहार गरेका थिए । यस्तै, शन मसूदले ५०, उमर अकमलले ४३, इमाद वसिमले नट आउट ५० रन बनाए । बलिङमा अष्ट्रेलियाका जसन बेहनड्रफले ३, केन रिचडसन, नाथन लायन, ग्लेन म्याक्सवेल र एडम जम्पाले एकएक विकेट लिए । यसअघि, टस हारेर ब्याटिङको मौका पाएको अष्ट्रेलियाले निर्धारित ५० ओभरमा ७ विकेट गुमाउँदै ३२७ रन बनायो ।

याे पनि पढ्नुस  विश्वकप क्रिकेटः इंग्ल्याण्डले टस जित्यो, पाकिस्तानलाई ब्याटिङको मौका

उसका लागि उश्मान ख्वाजाले १११ बलमा ९८, ग्लेन म्याक्सवेलले ३३ बलमा ७७, शन मार्सले ६८ बलमा ६१, कप्तान आरोन फिन्चले ६९ बलमा ५३ रन बनाए । बलिङमा पाकिस्तानका उश्मान सेनवारीले ४ र जुनैद खानले तीन विकेट लिए । पाँच खेलको सिरिज अष्ट्रेलियाले ५–० ले जितेको हो ।

याे पनि पढ्नुस  नेपाली राष्ट्रिय क्रिकेट टोली स्वदेश फिर्ता

कमेन्ट गर्नुहोस्