पाकिस्तानले किन लगायो आइपीएल प्रशारणमा प्रतिबन्ध? यस्तो छ कारण

काठमाडौं, चैत २० । पाकिस्तानले भारतमा जारी इन्डियन प्रिमियर लिग ९आइपीएल० को प्रशारणमा प्रतिबन्ध लगाएको छ । भारतले आफ्नो देशको क्रिकेटमा नोक्सान पुर्याएको भन्दै पाकिस्तानले मंगलबारदेखि आइपीएल प्रशारणमा प्रतिबन्ध लगाएको हो । पाकिस्तानका सूचना मन्त्री फवाद चौधरीले पत्रकार सम्मेलन मार्फत आफ्नो आइपीएल प्रशारणमा प्रतिबन्ध लगाएको जानकारी दिए ।

उनका अनुसार प्रधानमन्त्री इमरान खानको अध्यक्षतामा बसेको मन्त्रिपरिषद् बैठकले पाकिस्तानमा आइपीएल प्रशारणमा प्रतिबन्ध लगाउने निर्णय गरेको हो । सूचना मन्त्री चौधरीले आइपीएलको प्रशारण प्रतिबन्ध लगाउनको मूल कारण आफनो देशको क्रिकेटमा भारतले पुर्याएको नोक्सान रहेको बताए । उनले भने, ‘भारतले पाकिस्तानको क्रिकेटमा नोक्सान पुर्याउन संगठित प्रयास गरेको छ । र, हाम्रो देशमा भारतको घरेलु लिगको प्रचार गरेर कुनै फाइदा छैन ।’

यसअघि, भारतले पनि पाकिस्तान सुपर लिग (पीएसएल) को प्रशारणमा प्रतिबन्ध लगाएको थियो । पुलुवामा हमालाका कारण भारतले पीएसएल प्रशारणमा प्रतिबन्ध लगाएको थियो ।

कमेन्ट गर्नुहोस्

%d bloggers like this: