बारा–पर्साको हावाहुरीमा घाइते भएकाहरुकाे उपचारका लागि रक्तदान कार्यक्रम सम्पन्न

काठमाडौं, चैत २० । बारा र पर्सामा भएको हावाहुरीबाट घाईते भएकाहरुको उपचारको लागि रगतको कमी नहोस भन्ने हेतुले काठमाडौंको नयाँ बानेश्वरमा मंगलबार सम्पन्न भएको रक्तदान कार्यक्रममा ७४ जनाले रक्तदान गरेका छन् ।

महानगरिय प्रहरी प्रभाग नयाँबानेश्वर र सुर्यखबरडटकम लगायतको आयोजनामा सम्पन्न रक्तदान कार्यक्रममा आकस्मिकरुपमा गरिएको भएपनि उल्लेख्य सहभागीता भएको रक्तदान कार्यक्रमका संयोजक बाबुराम आचार्यले बताएका छन् ।

याे पनि पढ्नुस  ६८ लाखभन्दा भारतीय नोटसहित दुई पक्राउ

आईतबार हावाहुरीका कारण तीन दर्जनभन्दा बढीको निधन भईसकेको छ भने सयौंको संख्यामा घाईते भएका थिए । घाइतेमध्ये ९ जनाभन्दा बढीलाई काठमाण्डौका बिभिन्न अस्पतालमा उपचार भईरहेको छ भने अन्य घाईतेहरु तराईका बिभिन्न अस्पतालमा उपचार भइएरहेको समाचार छ ।

आपतकालीन अवस्थालाई मध्यनजर गर्दै मानवीय सहयोगको रुपमा रक्तदानमा सहभागी हुन संयोजक आचार्यले अपिल गरे अनुसार बानेश्वरका स्थानीय, नेपाल प्रहरी, होस्टल ब्यवसायी संघका प्रतिनिधि, सामुदायीक प्रहरी लगायतले रक्तदान गरेको थिए ।

याे पनि पढ्नुस  सुकुम्वासी बस्तीमा खानेपानी र सरसफाइ कार्यक्रमको प्रभावकारिता

स्थानीय स्वास्थयकर्मीको टोली प्रदेश नम्बर २ को पीडास्थल पुगिसकेको छ भने रगतको अभावलाई टार्न युवाहरु संस्थागत र ब्यक्तीगततर्फबाट लागिपरिरहेका छन् । कार्यकमका आयोजक महानगरीय प्रहरी नयााबानेश्वर प्रमुख डीएसपी गोबिन्दराज काफ्लेले मानवीय कार्यमा सहयोग गर्न आग्रह गर्दै राजनीतिक नभई जिल्ला प्रशासन कार्यालयबाट समेत स्वीकृत भएको आधिकारिक कार्यक्रम भएको बताए ।

याे पनि पढ्नुस  द्रुतमार्गको प्रस्थानविन्दु खोकना नै उपयुक्त

संयोजक आचार्यले रक्रदान कार्यक्रमको समन्वयकर्ता रक्तदान कार्यक्रमको आयोजना गरेकोमा प्रशंसापत्र रेडक्रसबाट प्रमाणपत्र बुझ्दै रक्तदान जस्तो समाजसेवामा लाग्न यसबाट अझ हौसला मिलेको दाबी गरेका थिए ।

कार्यक्रममा निर्माण ब्यावशायी महासंघका पुर्ब महासचिव रामेश्वर देउजा, संयोजक आचार्य लगायत बिशिष्ट ब्यक्तीहरुले रक्तदान गरेका थिए ।

कमेन्ट गर्नुहोस्