शुक्रबारदेखि १०१ हलमा ‘लभ स्टेशन’ प्रदर्शनमा, क्रिकेट मैदान निर्माणका लागि आर्थिक सहयोग

काठमाडौं, चैत २२ । आगामी नयाँवर्षको अवसर पारेर शुक्रबारदेखि चलचित्र ‘लभ स्टेशन’ मुलुकका १०१ ओटा सिनेमा हलमा प्रदर्शनमा आएको छ ।

नेपाली चलचित्र प्रदर्शनको पूर्व सन्ध्यामा ‘लभ स्टेशन’ निर्माण टिमका तर्फबाट गौतम बुद्ध अन्तर्राष्ट्रिय क्रिकेट मैदान निर्माणका लागि धुमुर्स–सुन्तली फाउन्डेसनलाई ५० हजार रुपैयाँ सहयोग प्रदान गरिएको छ । फाउन्डेसनका अध्यक्ष सीताराम कट्टेलसँगको छलफलपछि ‘लभ स्टेशन’को नेपालभर प्रदर्शन भएको मुनाफाको ५ प्रतिशत रकम सो क्रिकेट मैदान निर्माणका लागि फाउन्डेसनलाई प्रदान गरिने घोषणा पनि बिहीबार काठमाडौंमा एक समारोहबीच निर्माण पक्षले गरेको छ ।

यसबारे यो चलचित्रका प्रस्तुतकर्ता गोविन्द शाहीले भने, ‘हाम्रो चलचित्रका तर्फबाट गौतम बुद्ध अन्तर्राष्ट्रिय क्रिकेट मैदान निर्माणका लागि अहिले ५० हजार रुपैयाँ सहित फिल्म प्रदर्शन भएपछि नेपालबाट उठेको मुनाफाको ५ प्रतिसत रकम दिने भएका छौं ।

याे पनि पढ्नुस  चलचित्र 'कालो वर्ष’को फस्टलुक सार्वजनिक, आगामी वैशाख १३ गतेदेखि प्रदर्शनमा आउने

साथै चलचित्र पत्रकार संघका तर्फबाट ७ जेठमा प्रदान गरिने चलचित्र पत्रकारिता प्रोत्साहन पुरस्कार बिजेतालाई अभिनेता प्रदीप खड्का र मेरो तर्फबाट एउटा ल्यापटप प्रदान गरिने घोषणा गर्दछौं ।’ गतसाता अभिनेता प्रदीप खड्काले काठमाडौंको गोकर्णस्थित संयुक्त एकता अपांग आवाज केन्द्रमा आश्रित ४५ जना बालबालिकालाई भर्नासहित ३ महिनाको विद्यालय शुल्क, बारा जिल्लाका हुरीबतास पीडितलाई सोमबार ५० हजार रुपैयाँ प्रदान गरिसकेका छन् ।

दुवै हात गुमाएकी मेघा घिमिरेलाई प्रदीप खड्का र लभ स्टेशनका तर्फबाट एक लाख रुपैयाँ प्रदान गरिसकेको यो टिमले क्रिकेट मैदान निर्माणका लागि यो सहयोग प्रदानसँगै थप सहयोगको घोषणा बिहीबार गरेका हुन् ।

याे पनि पढ्नुस  चलचित्र ‘अन्धकार’ को शुभ मुहुर्त सम्पन्न

अभिनेता प्रदीप खड्काले आफुसँग प्रशस्त पैसा नभएपनि कलाकारको पनि सामाजिक उत्तरदायित्व हुन्छ भन्दै यो सहयोग प्रदान गरिएको बताएका छन्, ‘नेपाली चलचित्र नचलेको र चल्ने वातावरण विभिन्न पक्षबाट बिगार्ने काम भइरहेको बेला चलचित्र क्षेत्रको समाजप्रतिको दायित्व निर्वाह गर्ने हामीले यस्तो सहयोग गर्र्दै आएका हौं ,’ अभिनेता खड्काले बताए ।

यो चलचित्रलाई उज्ज्वल घिमिरेले निर्देशन गरेका हुन् । लभ स्टेशन साँगीतिक प्रेम कथामा आधारित सामाजिक कथाबस्तु युक्त चलचित्र रहेको निर्देशक घिमिरेले बताएका छन् । लिलीबिलीबाट चर्चा बटुलेका जोडी प्रदीप खड्का र जसिता गुरुङसँगै चलचित्र लभ स्टेशनमा रमेश बुढाथोकी, प्रकाश शाह, रेशु भट्टराई, विनोदकुमार पौड्याल, प्रिया रिजाल, सरु बिष्ट, रवी डंगोल, दिनेश काफ्ले, कालु रानासहितको अभिनय छ । लभ स्टेशनलाई काफिया फिल्मस्को व्यानरमा काफिया शाही (क्रिसु) र कविरबिक्रम शाहीले निर्माण गरेका हुन् ।

याे पनि पढ्नुस  ‘छक्का पञ्जा’ हेर्ने दर्शकलाई ऋचाले मुर्ख भनेपछि.....

जसमा अर्जुन जिसी र लोकेश बज्राचार्यको सम्पादन, शिशिर खातीको कोरियोग्राफी रहेको छ । आलोक शुक्लाको छायाँकन रहेको लभ स्टेशनमा शम्भुजीत बासकोटा, दीपक शर्मा, राजनराज शिवाकोटी र एलिश कार्कीको संगीत छ । यो चलचित्रको निर्माण नियन्त्रकमा राजेन्द्र रावल छन् ।

कमेन्ट गर्नुहोस्