स्कार्पियोको ठक्करबाट एक वृद्धको मृत्यु

सर्लाहीको बरहथवा नगरपालिकामा स्कार्पियोको ठक्करबाट एक वृद्धको मृत्यु भएको छ । मृत्यु हुनेमा बरहथवा नगरपालिका–१० मूर्तियाका ७० वर्षीय महन्थ महरा चमार रहेका छन् ।

गएराति करीब १२ बजे घरबाट शौच गर्नका लागि बाहिर निस्केका चमारलाई को २ च २१० नं को स्कार्पियोले ठक्कर दिएको थियो । ठक्करबाट उनी गम्भीर घाइते भएका थिए ।

घाइते चमारको बरहथवास्थित एड्भान्स सञ्जीवनी अस्पतालमा प्राथमिक उपचार गरी थप उपचारका लागि वीरगञ्जतर्फ लगिँदै गर्दा बाटोमै मृत्यु भएको जिल्ला प्रहरी कार्यालय सर्लाहीले जनाएको छ ।

ठक्कर दिने स्कार्पियो प्रहरी नियन्त्रणमा रहेको छ भने चालक फरार भएको प्रहरीले जनाएको छ ।

कमेन्ट गर्नुहोस्

%d bloggers like this: