प्रधानमन्त्रीले भनेः तपाईंहरूले ल्याएको नाप नै सगरमाथाको आधिकारिक उचाइ हुनेछ

काठमाडौं, चैत २७ । प्रधानमन्त्री केपी शर्मा ओलीले सगरमाथाको उचाइ नाप्न जान लागेको कर्मचारीको टोलीलाई आज बिदाइ गरेका छन्। भूमि व्यवस्था तथा सहकारी मन्त्रालयबाट चार जना कर्मचारीको टोली आज त्यसतर्फ जाँदैछन्। टोलीमा प्रमुख नापी अधिकृत खिमलाल गौतम,नापी अधिकृत रवीन कार्की,सर्भेक्षक सुरजसिंह भण्डारी र अमिन युवराज धिताल छन्। टोलीले करिब एक महिनामा सगरमाथाको उचाइ नापेर फर्कने योजना छ।

याे पनि पढ्नुस  प्रधानमन्त्रीले नेतृत्वको प्रस्ताव गरेपछि यस्तो जवाफ दिए डा केसीले

प्रधानमन्त्री निवास बालुवाटारमा आज बिहान आयोजित शुभकामना तथा बिदाइ कार्यक्रममा प्रधानमन्त्री ओलीले नेपालको तर्फबाट पहिलो पटक सगरमाथाको उचाइ नाप्न लागिएकाले यस टोलीको प्रतिवदेन आधिकारिक हुने बताएका छन्।

‘नेपाल सरकारको तर्फबाट पहिलो पटक सगरमाथाको उचाइ मापन हुँदैछ । तपाईंहरूले सेन्टिमिटरसहितको उचाइ नापेर ल्याउनु होला’ प्रधानमन्त्री ओलीले भने, तपाईंहरूले ल्याएको नाप नै सगरमाथाको आधिकारिक उचाइ हुनेछ।’

याे पनि पढ्नुस  चीनमा यी विषयमा भयो मुख्य समझदारी र सम्झौता

प्रधानमन्त्री ओलीले टोलीलाई लक्ष्य हासिल गर्नका लागि शुभकामना दिएका छन्। तर मौसम र स्वास्थ्यलाई भने ख्याल गर्न प्रधानमन्त्रीले सुझाए। ‘लक्ष्यमा अडिग रहनुहोस् तर स्वास्थ्यले साथ दिएन वा मौसम प्रतिकूल भयो भने जिद्दी नगर्नुहोस् । सगरमाथा त्यही हुन्छ। अर्को पटक गएर नापेर आए हुन्छ’, प्रधानमन्त्री ओलीले भने, ‘गाइडको निर्देशन पालना गर्नुहोला।’ सरकारको तर्फबाट सगरमाथाको उचाइ मापन कार्य ऐतिहासिक भएको प्रधानमन्त्री ओलीको भनाइ छ । यो समाचार सेतोपाटीबाट लिइएको हो ।

कमेन्ट गर्नुहोस्