रत्न मन्दिर र हिमागृह खुल्ला गरेर नेपाल भ्रमण वर्ष शुरुवात गरौं : सांसद पाहारी

पोखरा, चैत २८ । गण्डकी प्रदेशका सांसद राजीव पाहारीले पोखराको लेकसाइडमा अवस्थित रत्नमन्दिर र हिमागृह सर्वसाधारणका लागि खुल्ला गरेर नेपाल भ्रमण वर्ष २०२० को शुरुवात गर्नुपर्ने बताएका छन् ।

संघीय सरकारको मातहतमा रहेको उक्त दुई स्थान सर्वसाधारणका लागि खुल्ला नगरेसम्म आन्तरिक तथा बाह्य पर्यटकहरूको संख्यामा उल्लेख्य वृद्धि नहुने भन्दै सन् २०२० मा २० लाख पर्यटक भित्र्याउने संघीय सरकारको लक्ष्य प्राप्तिका निम्ति पनि सो आवश्यक भएको बताए । फेवाताल पुरिदै गएको तर्फ इंगित गर्दै पहारीले फेवाताललाई पोखरी हुनबाट बचाउन सर्वाेच्च अदालतको आदेशअनुसार काम अगाडि बढेको जानकारी दिदै फेवातालको मापदण्डको विषय चाँडै प्रष्ट पारिने बताए ।

याे पनि पढ्नुस  भित्ते पत्रिका प्रकाशन तालिम

प्रदेश सरकारले घोषणा गरेको आन्तरिक भ्रमण वर्ष र संघीय सरकारले घोषणा गरेको नेपाल भ्रमण वर्ष दुवैको माध्यमबाट पोखराको पर्यटनले नयाँ उचाई लिने गरी तीव्रगतिमा काम अगाडि बढाउन सरकारलाई आग्रह गरे । सांसद पहारीले सो कुरा पोखरा पर्यटन परिषद र पर्यटन सम्वद्ध विभिन्न १२ वटा संघ संस्थाहरूले बिहीबार पोखरामा नयाँवर्ष २०७६ को शुभकामना आदनप्रदान कार्यक्रममा बताएका हुन् ।

याे पनि पढ्नुस  घुस मागेको अभियोगमा प्राधिकरणका कर्मचारीविरुद्ध मुद्दा

उक्त कार्यक्रममा गण्डकी प्रदेशका सांसद विन्दूकुमार थापाले २०७६ साललाई नेपाल र नेपालीको संवृद्धिको निम्ति ‘माइल स्टोन वर्ष’को रूपमा उपयोग गर्नुपर्ने बताए । अर्का सांसद रामजी बराले पोखरालाई सम्पूर्ण गण्डकी प्रदेशको मात्रै नभई नेपालकै एक उत्कृष्ट पर्यटकीय गन्तव्यको रूपमा विकास गर्न सरोकारवाला सबै पक्षहरू लागि पर्नुपर्ने बताए । पोखरा पर्यटन परिषदका अध्यक्ष चिरञ्जिवी पोखरेलको अध्यक्षतामा सम्पन्न कार्यक्रममा परिषदका संस्थापक अध्यक्ष अशोक पालिखे, कास्कीका प्रमुख जिल्ला अधिकारी चक्रबहादुर बुढा, परिषदका महासचिव डिल्लिप्रसाद गौतम लगायतले बोलेका थिए ।

याे पनि पढ्नुस  रकम हिनामिना गर्ने परिचालिका विरुद्ध मुद्दा, घुस लिँदालिँदै सुपरभाइजर पक्राउ

कमेन्ट गर्नुहोस्