निजगढमा हावाहुरीले उडायो छाना, विद्युत सेवा अवरुद्ध

बारा, बैशाख ०१ । निजगढमा शनिबार राति असिना पानीसहित आएको हुरीले घरका छाना उडाएको छ। केही ठाउँमा बिजुलीका पोल ढलेका छन्। यसरी नै केरा खेती नष्ट गरेको छ। निजगढ नगरपालिका–८ का भिमबहादुर योञ्जनको घरको छानो उडाएको छ। छानो उडाएपछि पानी घरभित्र पस्दा घरका सम्पूर्ण सरसमान भिजेर क्षति पुगेको छ। त्यसैगरि निजगढ–७ का दिनानाथ साहको घरको छानो उडाएको छ।

याे पनि पढ्नुस  हावाहुरी प्रभावितलाई प्रदेश ३ सरकारद्वारा १ करोड राहत

यसरी नै हुरी र असिनाले क्षति पुर्‍याएको छ। केरा पकेट क्षेत्रको रुपमा रहेको निजगढमा हुरीका कारण केरा खेतीमा क्षति पुर्‍याएको छ। हुरीले घरीसहितको केराको ठम्बा लडाएको छ। त्यसैगरी निजगढका किसानले लगाएको केरा खेती असिनाले गर्दा नोक्सान भएको किसान सितराम दंगालले बताए।

याे पनि पढ्नुस  बारा–पर्सा आँधीः अध्ययन गर्न मौसमविद्को टोली जाँदै

कतिपय स्थानमा हुरीले रुख समेत ढालिदिएको छ। विभिन्न घरका विद्युत तार चुडाएको छ। विद्युतमा क्षति पुग्दा रातिदेखि नै सेवा अवरुद्ध भएको छ। बिहानैदेखि विद्युत् प्राधिकरण निजगढ शाखाका कर्मचारी मर्मतका लागि खटिसकेका छन्।

कमेन्ट गर्नुहोस्