मंगलबार र बुधबारसम्म मेघगर्जनसहित वर्षा र हुरी हुने सम्भावना

काठमाडौं, वैशाख ३ । मंगलबार भारतबाट पश्चिमी वायु नेपाल भित्रिँदै छ । जसका कारण मेघ गर्जनसहित वर्षाका साथै हावाहुरी र चट्याङको सम्भावना रहेको मौसमविद्ले बताएका छन् ।

जल तथा मौसम पूर्वानुमान महाशाखाका मौसमविद् समीर श्रेष्ठले मंगलबार बिहान साढे ८ बजेतिर दिएको जानकारी अनुसार पानी पार्ने पश्चिमी वायु केही घण्टाभित्र नेपालको पश्चिमी क्षेत्रबाट भित्रिँदै छ।
‘अहिले यो वायु भारतको हरियाणा क्षेत्रमा आइपुगेको छ,’ उनले भने, ‘एक–डेढ घण्टादेखि दुई–तीन घण्टासम्ममा नेपाल भित्रिने छ।’

याे पनि पढ्नुस  आज देशभर लोडसेडिङ नहुने, कुलमान आफै रातभरी खटिने

यो वायु प्रवेशपछि मंगलबार विशेषगरी पश्चिमको तराई क्षेत्रमा मेघ गर्जनसहित वर्षाका साथै चट्याङ पर्ने र हुरीबतास चल्ने सम्भावना छ। अपराह्नसम्म यो वायु पश्चिमको पहाडी क्षेत्रमा प्रवेश गर्ने छ। यसैगरी उक्त पश्चिमी वायु बुधबार पूर्वी क्षेत्रमा सर्ने मौसमविद् श्रेष्ठले जानकारी दिए । बुधबार चाहिँ पूर्वी तराईमा हुरीबतासको सम्भावना छ,’ उनले भने।

याे पनि पढ्नुस  'लिलामे माइलो' नाटक प्रदर्शनको तयारीमा

मौसम पूर्वानुमान महाशाखाका अनुसार मंगलबार पश्चिमी क्षेत्रमा सामान्य बदली र पूर्वी तथा मध्य क्षेत्रमा आंशिकदेखि सामान्यसम्म बदली हुने छ । र, पश्चिमका केही स्थान तथा मध्य र पूर्वका थोरै स्थानमा मेघ गर्जन, चट्याङ तथा हुरीबतास सहित असिना पानी पर्ने सम्भावना छ। यस्तै राति पश्चिमका धेरैजसो स्थान र मध्ये तथा पूर्वका केही ठाउँमा मेघ गर्जन, चट्याङ, हुरीबताससहित असिना पानी पर्ने सम्भावना देखिएको महाशाखाले जनाएको छ।

याे पनि पढ्नुस  वैदेशिक रोजगारीमा ठगिएकाहरुका लागि सहायता कक्ष

मौसमविद् श्रेष्ठका अनुसार पश्चिमी वायुको प्रभाव मंगलबार र बुधबार दुई दिनसम्म रहने छ। ‘तर त्यसपछि यसको प्रभाव पूरै हट्ने चाहिँ होइन,’ उनले भने, ‘यसको धेरथोर असर अरू केही दिनसम्म जारी रहने छ।’

आगामी तीन दिनसम्म मौसम खुल्ने सम्भावना नदेखिएको उनले बताए।

कमेन्ट गर्नुहोस्