सयुक्त राष्ट्र संघको ७३औं अधिवेसनमा नेपाली चेली जोलीको दमदार सम्बोधन

डिसी । न्युयोर्कस्थित राष्ट्र संघको मुख्यालयमा नेपाली चेली जोली अमात्यले सयुक्त राष्ट्रसंघको ७३औं अधिवेशनमा सम्बोधन गरेकी छिन् ।

अमात्यले अन्तर्राष्ट्रिय श्रम संगठन (आईएलओ) स्थापना भएको एक सय वर्ष पुगेको अवसरमा ‘भविष्यको कार्य’ नारा रहेको उक्त अधिवेसनमा सम्बोधन गरेकी हुन् । उनले गत अप्रिल १०–११ मा न्यूयोर्कमा सम्पन्न उक्त उच्च स्तरीय बैठकमा सबै नेपालीको प्रतिनिधित्व गर्दै सम्बोधन गर्ने सुवर्ण अवसर पाएकी छिन् । कार्यक्रममा उच्च स्तरीय राजनीतिक व्यक्तित्व, विभिन्न राष्ट्रका राष्ट्रप्रमुखहरु, मन्त्रीहरु, सयुक्त राष्ट्र संघ सदस्य राज्य, संयुक्त राष्ट्र संघका स्थायी पर्यवेक्षक, कर्मचारी श्रमजीवी संगठन, कर्मचारी संगठन, यूवा प्रतिनिधिहरु, शिक्षा वा शोध क्षेत्र तथा नागरिक समाजका व्यक्तित्वहरुको सहभागिता रहेको थियो ।

जोली हाल सयुक्त राष्ट्रसंघको मेजर ग्रुप फर चिल्ड्रेन एण्ड युथको सचिवालयमा कार्यरत छिन् । उक्त संस्था १९९२ मा स्थापना भएको हो । जोली अमात्य उक्त ७३ औ अधिवेसनको साधारण सभाको उद्घाटन कार्यक्रमको एक खण्डमा उनले सम्बोधन गरेकी हुन् ।

जोलीले अन्तर्राष्ट्रिय श्रम संगठनको १००औं बार्षिक सम्मेलनमा सामूहिक कार्यवाही विश्वव्यापकता तथा समानताको आधारमा हुनुपर्ने माग राखिन् । उनले सम्बोधनकै क्रममा युवाहरुलाई यो थाहा छ किन हरेक वर्ष १.७ खर्ब डलर सेनामा खर्च गरिन्छ। किनकि आर्थिक नमुनाहरूले युद्धका उपकरणहरू र कल्याणका बीचमा मतभेदहरू बताउन सक्दैनन् ।

यसबाहेक, अत्याधिक आर्थिक विकासको अतिरिक्त मजदूरीलाई स्थिर बनाइयो, जोलीले भनिन् । उनले जोड दिँदै अनियन्त्रित वृद्धिको अस्तित्व खतरामा रहेको सम्बोधन गर्ने क्रममा उनले उक्त कुरा जनाइन । अमात्यले ७३औं अधिवेशनकी अध्यक्ष मारिया फरनान्डा एसपीनोसा गर्सेस, संयुक्त राष्ट्र संघका महासचिव एन्टोनीयो गुटेरस, अन्तर्राष्ट्रिय श्रम संगठनका निर्देशक गाई राइडर लगायत विशिष्ट व्यक्तित्वका बीच उनले सम्बोधन गरेकी हुन् । उनले सम्बोधनको क्रम आफू नेपालबाट हु भन्दै परिचय दिएकी थिइन् । राष्ट्रसंघ जस्तो गरिमामय संस्थामा यसरी नेपाली मूलका यूवाहरुको तर्फबाट जोली अमात्यले सम्बोधन गर्ने मौका पाउनु सबै नेपालीहरुले गौरवको विषय हो ।

राष्ट्र संघको इतिहासमै अमात्य युवा सम्मेलनकी युवा अध्यक्ष पदमा पुग्ने कनिष्ठ तथा पहिलो नेपाली बन्न सफल भएकी थिइन् । दुई वर्ष अगाडी जोलीले विश्वभरका तमाम यूवा वर्गको प्रतिनिधित्व गर्दै दोश्रो पटक पुनः उनले राष्ट्रसंघ हिउँदे यूवा सम्मेलनलाई सम्बोधन गरेकी थिइन् ।

बालबालिका र युवाहरूको संयुक्त राष्ट्र मुख्य समुह ९यूएन एमजीसीवाई० र संयुक्त राष्ट्र अन्तर सञ्जाल युवा विकास ,लिङ्ग समानताका कार्यकारी समूहको सक्रिय सदस्य पनि छिन । उनि थुप्रै अन्तरराष्ट्रिय संघरसंस्था तथा सयुक्त राष्ट्र संघ संग आबद्ध छिन् ।

नेपाल पाटन घर भई हाल अमेरिकाको न्युयोर्कमा बस्दै आएकी जोली अमात्य पिता जगदिस मान अमात्य तथा माता कृष्ण अमात्यकि जेठी छोरी हुन् भने कन्चन अमात्य की दिदी हुन् ।

कमेन्ट गर्नुहोस्

%d bloggers like this: