कर्मचारीहरुको २० प्रतिशत तलब बढ्ने यसरी भयो निश्चित

काठमाडौं, वैशाख ५ । आगामी आवको बजेटमा कर्मचारीहरुको तलब २० प्रतिशतले बढाउन तीव्र लबिङमा लागेका छन् केही कर्मचारीहरु ।

अघिल्लो आर्थिक बर्षको बजेटमा निजामती कर्मचारीहरुको तलब बढेन । सोही कारण कर्मचारीहरु सरकार र अर्थमन्त्री युवराज खतिवडासँग फायर भए । तिनै कर्मचारीलाई फकाउन सरकारले आगामी आर्थिक बर्षमा निजामती कर्मचारीको तलब बढाउने जनाइएको छ ।

अहिले वजेट निर्माणको काम तीव्रगतिमा भइरहेको समयमा कर्मचारीको तलब बढाउन भन्दै आधिकारिक ट्रेड युनियनले तिव्र लबिङ थालेको छ । अर्थमन्त्रीसँग भेटेर उनीहरुले बजेट बढाउनका लागि आग्रह गरेको स्रोतको भनाई छ ।

याे पनि पढ्नुस  नागढुङ्गाबाट १ केजी १०० ग्राम चरेशसहित एक पक्राउ

राष्ट्रियसभाबाट मनोनयन गरेर ल्याइएका अर्थमन्त्री युवराज खतिवडाको कार्यकाल आगामी चैत्रसम्म मात्र रहेका कारण उनी लोकप्रिय बजेट बनाउने अभियानमा छन् । उनलाई जनप्रिय बजेट बनाउन पर्ने दबाब छ । त्यही कारण समेत अर्थमन्त्री डा युवराज खतिवडासमेत कर्मचारीको तलब बढाउने र कर्मचारीलाई नचिढाउने पक्षमा देखिएका छन् ।

याे पनि पढ्नुस  नयाँ कर्मचारी भर्ना गर्न कानूनी अड्चन, केन्द्रले माग्छ प्रदेशले रोक्छ

प्रधानमन्त्री केपी शर्मा ओलीले समेत समृद्ध नेपाल, सुखी नेपालीको अभियानलाई सार्थक पार्न भनेकै कर्मचारी भएका कारण कर्मचारीतन्त्रलाई हातमा लिनुपर्ने भएकाले पनि यसपाली कर्मचारीको तलब बढाउन कन्जुस्याई नगर्ने मनस्थितीमा ओली पुगेको स्रोतले बताए । आधिकारिक ट्रेड युनियनका नेताहरुका अनुसार उनीहरुले मंहगी बढेका कारण २० प्रतिशतसम्म तलब बढाउन आग्रह गरेका छन् ।

यद्यपि अर्थ मन्त्रालयका आर्थिक सल्लाहका डा रामशरण खरेलले भने बजेट निर्माणको छलफल प्रारम्भिक चरणमै रहेकाले कर्मचारीको तलबबारे अहिले नै केहि भन्न नसकिने प्रतिक्रया दिए ।

याे पनि पढ्नुस  पेटीकोट लगाएर प्रदर्शनमा उत्रिएपछि...

यस्तो छ अहिले निजामति कर्मचारीको तलब

मुख्यसचिवः रु ५५,२००
सचिवः रु ५१,४२०
सहसचिवः रु ४०,१५०
उपसचिवः रु ३४,२२०
शाखा अधिकृतः रु ३०,५००
नासुः रु २३,५००
खरिदारः रु २२,१७०
कार्यालय सहयोगी पियनः रु १८,०००

कमेन्ट गर्नुहोस्