जनयुद्दका कमाण्डर तथा हालका मन्त्री वर्षमान पुन नै विप्लवको बन्दमा परेपछि…

रोल्पा — सडकमार्गबाट जिल्ला आएका उर्जामन्त्री वर्षमान पुन नेत्रविक्रम चन्द समूहको बन्दमा परेपछि हेलिकप्टर मगाएर सदरमुकाम फर्केका छन् । जलजला क्षेत्रलाई ‘पर्यटकीय स्थल’ घोषणा गर्न सडक मार्गबाट बुधबार थबाङ पुगेका उर्जामन्त्री पुन बिहीबार सवा ९ बजेतिर हेलिकप्टरबाट सदरमुकाम आएका हुन् ।

बिहीबार बिहान साढे ९ बजे लिबाङमा मन्त्री पुनले तत्कालीन सशस्त्र द्वन्द्वमा मृत्यु भएका, घाइते, अपाङ्गता भएका व्यक्तिका परिवारलाई भेट्ने पूर्व निर्धारित कार्यक्रम आयोजना गरिएको छ।

उक्त कार्यक्रम भेट्न मन्त्री पुन हेलिकप्टरबाटै आएका हुन्। उनी बुधबार थबाङमा आयोजित कार्यक्रमपछि त्यही बसेका थिए। थबाङमा बन्दको अघिल्लो रात चन्द समूहका कार्यकर्ताले नाराबाजी र राँके जुलुस निकालेका थिए।

याे पनि पढ्नुस  आफु नआउने भएपछि यस्तो छ विप्लवले पठाएको शुभकामना सन्देश

थबाङमा प्रहरी खानतलासी
मन्त्री पुन थबाङ पुगेको साँझ गाउँ आसपासका डाँडाहरुमा चन्द समूहले राँके जुलुस र नाराबाजी गरेपछि प्रहरीले स्थानीयको घरमा खानतलासी गरेको थियो।

स्थानीयका अनुसार चन्दका कार्यकर्ता खोज्न गाउँ पसेको प्रहरीले स्थानीय महिला र बालबालिकालाई धम्क्याएको थियो। मन्त्रीको सुरक्षार्थ थबाङ पुगेको प्रहरीले स्थानीय चन्द समूहका नेता जयप्रकाश रोका प्रताप र युवा नेता अमित घर्तीमगरको घरमा जबर्जस्ती छिरेको र धम्क्याएको स्थानीयले बताएका छन्। ‘प्रहरीले माथिको आदेश छ, तिमीहरुलाई ठिक पार्छौं भनेर धम्क्याए,’ थबाङकी एक महिलाले भनिन्, ‘प्रहरीले घरका ढोका समेत फुटाइदिएका छन्।’

याे पनि पढ्नुस  माओवादी नेता अनन्तलाई थप उपचारका लागी बैंकक लगिँदै, सभामुख पनि जाने

मन्त्री पुनसँगै थबाङमा प्रमुख जिल्ला अधिकारी गञ्जबहादुर एमसी, प्रहरी नायब उपरीक्षक दीपक खड्का लगायतका सुरक्षा अधिकारी समेत उपस्थित थिए। उक्त टोलीका साथ थबाङमा प्रदेश सासद दीपकेन्द्र कुमार पुन र जिल्ला समन्वय समितिका प्रमुख राजबहादुर बुढा समेत पुगेका थिए।

बन्दको प्रभाव
आफूमाथिको प्रतिबन्ध फुकुवा र गिरफ्तार नेता कार्यकर्ता रिहाईको माग गर्दै चन्द समूहले बिहीबार आव्हान गरेको बन्दका कारण रोल्पामा जनजीवन प्रभावित भएको छ। बिहानैदेखि बजार, यातायातका साधन, शैक्षिक संस्था लगायत बन्द छन्।

याे पनि पढ्नुस  रिहा भएलगत्तै प्फेरि पक्राउ परे विप्लवका जिल्ला इञ्चार्ज ज्वाला

कार्यकर्ता सडकमा नदेखिए पनि यातायातका साधन, शिक्षण संस्था तथा बजार बन्द छ। बन्दका कारण जिल्ला तथा ग्रामीण क्षेत्रबाट टाढा जान घरदेखि निस्केका यात्रुहरु अलपत्र परेका छन्। एम्बुलेन्स भने चल्न दिइएको छ।

बन्दको बढी प्रभाव यातायातका साधन र शिक्षण संस्थामा देखिएको जिल्ला प्रहरी कार्यालयका प्रवक्ता प्रहरी निरीक्षक लीलाराज आचार्यले बताए। उनका अनुसार जिल्लामा कुनै प्रकारको घटना भएको छैन। प्रहरीले रोल्पामा नेकपाका केही कार्यकर्ता र उक्त पार्टीमा आस्थावान शिक्षकलाई यस अघि नै नियन्त्रणमा लिइसकेको छ।

कान्तिपुरडेलीबाट साभार गरिएको समाचार

कमेन्ट गर्नुहोस्