एनिभर्सरीकै दिन अभिनेता आर्यनलाई पुत्र लाभ

काठमाण्डौ, वैशाख ६ । चकलेटी अभिनेता आर्यन सिग्देललाई पुत्र लाभ भएको छ । शुक्रवार दिउँसो साढे १२ बजे श्रीमती सपना भण्डारी सिग्देलले बसुन्धारामा रहेको चिरायु अस्पतालमा पहिलो सन्तानको रूपमा छोरालाई जन्म दिएकी हुन् ।

आजकै दिन ५ वर्षअघि आर्यनले आफ्नो नामको सिन्दुरले सपनाको सिउँदो भरेका थिए ।

आर्यन र सपनाको वि.सं २०७१ साल वैशाख ६ गते प्रेम विवाह भएको थियो । विवाहको ५औं वर्षगाँठकै दिन सपनाले पहिलो सन्तानलाई जन्म दिएकी हुन् । विवाहअघि आर्यन र सपना करीब ४ वर्ष प्रेम सम्बन्धमा थिए । सपना, आर्यनको ‘डाइहार्ट’ फ्यान थिइन् ।

आर्यनभन्दा सपना ७ वर्ष कान्छी हुन् । गएको महिनामात्र विकासराज आचार्य निर्देशित फिल्म ‘हजार जुनीसम्म’ को छायांकन सकाएका आर्यन अहिले साम्तेन भुटियाको फिल्म ‘चच हुई’ मा व्यस्त छन् । प्राप्त तस्वीरमा छोरालाई काखमा बोकेर आर्यन खुसी मुद्रामा देखिएका छन् ।

शनिबार दिउँसोसम्म अस्पतालबाट सपना छोरासहित डिस्जार्च हुने बताइएको छ । आमा र छोरा दुबैको स्वास्थ्य अवस्था राम्रो रहेको अस्पताल स्रोतले जनाएको छ । केही हप्ताअगाडि सपनाले बेबी बम्प देखाएर श्रीमान् आर्यनसँगको रोमान्टिक तश्बिर फेसबुकमा साझेदार गरेकी थिइन् ।

कमेन्ट गर्नुहोस्

%d bloggers like this: