गणपति माइक्रोफाइनान्सको आईपिओ खुल्यो

काठमाडौं, वैशाख ९ । गणपति माइक्रोफाइनान्स वित्तीय संस्थाले वैशाख ९ गते सोमबारदेखि सर्वसाधारणमा साधारण शेयर (आईपिओ) जारी गरेको छ ।

कम्पनीले ३ करोड ३५ लाख रुपैयाँ बराबरको ३ लाख ३५ हजार कित्ता आईपिओ निष्काशन गरेको हो । कम्पनीले निष्काशन गर्ने कुल तीन लाख ३५ हजार कित्ता शेयरमध्ये तीन लाख १३ हजार ७५ कित्ता शेयरका लागि सर्वसाधारणले आवेदन दिन सक्नेछन् । पाँच हजार १७५ कित्ता लघुवित्तका कर्मचारीहरुलाई र १६ हजार ७५० कित्ता शेयर सामूहिक लगानी कोषहरुलाई छुट्टाइएको छ।

याे पनि पढ्नुस  सयपत्री हाइड्रोले ९ करोडको आईपिओ जारी

लघुवित्तले निष्काशन गर्ने आईपिओमा मेरो शेयर तथा सि आश्वा अनुमति प्राप्त सम्पूर्ण बैंक तथा वित्तीय संस्थाबाट ७७ जिल्लाबाटै बैशाख १२ गतेसम्म आवेदन दिन सकिने व्यवस्था रहेको छ।

आईपिओमा न्यूनतम १० देखि एक हजार ५०० कित्तासम्म शेयर माग गर्न सकिन्छ। यद्यपी धितोपत्र निष्काशन तथा बाँडफाँड निर्देशिका अनुसार शेयर बाँडफाँड गर्दा यस निष्काशनमा लगानीकर्ताले १० कित्ता शेयर नै गोलाप्रथाबाट प्राप्त गर्नुपर्ने अवस्था रहने हुनाले एक हजार रुपैयाँको आवेदन नै प्रयाप्त हुन्छ ।

याे पनि पढ्नुस  आजदेखि शुभम् पावरमा आईपीओको आवेदन खुल्यो

माइक्रो फाइनान्सले एनआईबिएल एस क्यापिटल मार्फत जारी पूँजीको ३२.३७ प्रतिशत पूँजी सर्वसाधारणबाट संकलन गर्न लागेको हो । बाँकी ६७.६३ प्रतिशत पूँजी भने लघुवित्तको संस्थापक शेयरधनीहरुको तर्फबाट चुक्ता भइसकेको छ ।

माइक्रो फाइनान्सको आईपिओलाई क्रेडिट रेटिङ्ग एजेन्सी केयर नेपाललले ‘केयर एनपि आईपिओ ग्रेड ४’ प्रदान गरेको छ । यसले लघुवित्तको स्तर औसतभन्दा तल आधार रहेको बुझाउँछ । ग्रेड १ ले सबैभन्दा बलियो जनाउँछ भने सोभन्दा मुनिको अंकले क्रमश कम आधार बुझाउँछ ।

याे पनि पढ्नुस  फागुन १५ गतेदेखि आरम्भ माइक्रोको आइपिओ बिक्रीमा आउने

हाल ७ करोड रुपैयाँ चुक्ता पूँजी रहेको माइक्रोफाइनान्सको आईपिओ निष्काशन पश्चात १० करोड २५ लाख रुपैयाँ पुग्ने छ । नेपाल धितोपत्र बोर्डले गणपतिलाई गत चैत ७ गते आईपिओ निष्काशन गर्न अनुमति दिएको थियो ।

कमेन्ट गर्नुहोस्