चितवन स्पाईनल इन्ज्योरी अस्पताल तथा पुनस्र्थापना केन्द्रको शिलान्यास

चितवन, वैशाख १० । उदयकुमार चमेली देवी पिया चितवन स्पाईनल इन्ज्योरी अस्पताल तथा पुनस्र्थापना केन्द्रको शिलन्यास गरिएको छ ।

भरतपुर महानगरपालिका वडा नं.३ सानो मझुवा नगरवनमा निर्माण हुने उक्त केन्द्रको सोमबार एक कार्यक्रमका बीच शिलन्यास गरिएको हो ।

चितवन रोटरी क्लबको नेतृत्वमा रोटरी क्लव अफ रत्ननगर, रोटरी क्लव अफ नारायणगढ, रोटरी क्लव अफ नारायणी मिड टाउन, रोटरी क्लव अफ भरतपुर, रोटरी क्लव अफ जावलाखेलले स्पाइनल इञ्जुरी संघ नेपालसँगको सहकार्यमा सो केन्द्र सञ्चालन गर्न लागिएको हो । केन्द्र निर्माण गर्न भरतपुर महानगरले १ विघा जग्गा भोगाधिकार प्रदान गरेको छ । यस केन्द्र स्थापनाका लागि नारायणगढका सामाजिक व्यक्तित्व उदयकुमार पियाले तीन करोड रुपैयाँ सहयोग गर्ने भएका छन् ।

याे पनि पढ्नुस  कालिका नगरमा विशेष सरसफाई अभियान, सिन्ती झरनाको सरसफाई गर्दै अभियान सुरु

सहयोगी पिया र सञ्चालकहरुसँगको सम्झौता हस्ताक्षर कार्यक्रमलाई संवोधन गर्दै भरतपुर महानगरपालिका प्रमुख रेनु दाहालले उदयकुमार चमेली देवी चितवन स्पाईनल इन्ज्योरी अस्पताल तथा पुनस्थापना केन्द्र निर्माणका लागि तीन करोड रुपैयाँ सहयोग गर्ने पिया परिवारलाई धन्यवाद दिँदै मानवीय सेवा गर्ने हातहरुलाई महानगरपालिकाले सधैँ स्मरण गरिरहने बताएकी छन् ।

भरतपुर महानगरले प्रदान गरेको एक विघा जमिनमा स्पाईनल इन्ज्योरीको समस्यामा रहेका विरामीहरुलाई सेवा पु¥याउने अस्पताल बन्ने निश्चित भएकोमा खुशी व्यक्त गर्दै उनले दाता पिया परिवार र सम्पूर्ण रोटरियनहरुलाई धन्यवाद दिए । प्रमुख दाहालले आवश्यक सहयोग जुटाएर समयमै अस्पताल संचालन गरी विरामीहरुलार्ई सेवा पु¥याउन आग्रह गरे ।

याे पनि पढ्नुस  कैदीको संख्या बढ्दै गएपछि भरतपुर कारागार सार्न ठाउँ खोजिँदै

मेरुदण्ड घाइते भइ उपचारको अपेक्षा गर्ने सम्पूर्ण सहयोगापेक्षी व्यक्तिहरुलाई उचित उपचार एवं पुनस्थापनाको सेवा पुर्याउने उद्देश्यले नितान्त नाफारहित समाज सेवा गर्ने मनसायबाट यो केन्द्र सञ्चालन गर्न लागिएको चितवन रोटरी क्लवका अध्यक्ष कपिल बाबु खनालले बताए । केन्द्रमा ओपीडी फिजियो थेरापीको पनि सुविधा हुने रो.खानलले जानकारी दिए ।

हाल २५ वेडको क्षमतामा २ वर्षभित्र केन्द्रको निर्माण गरी सञ्चालनमा ल्याइने उनको भनाइ छ । भविष्यमा केन्द्रलाई ५० वेडको क्षमतामा विस्तार गर्ने र फिजियो थेरापी लगायतका विधाहरुको एउटा सिकाइ केन्द्रको रुपमा यसलाई विकास गर्दै लैजाने लक्ष्य राखिएको अध्यक्ष खनालले बताए ।

याे पनि पढ्नुस  दृष्टिविहीनलाई न्यानो कपडा दिँदै रेवानले मनायो ९औँ वार्षिकोत्सव मनायो

समाजसेवी पियाले प्रदान गर्न लागेका तीन करोड रुपैयाँ, रोटरी क्लवहरु एवं अन्य स्रोतबाट एक करोड ५० लाख रुपैयाँ जुटाएर केन्द्रको स्थापना गर्न लागिएको अध्यक्षले खनालले जानकारी दिए । यस केन्द्रमा लाग्ने सम्पूर्ण औजार उपकरणहरु रोटरी इन्टरनेशनलको रोटरी ग्रोवल ग्राण्टबाट गर्न व्यवस्था गरिने उनले बताए ।

यो केन्द्र नेपालकै दास्रो, उपत्यका बाहिर पहिलो एवं महानगरपालिकाबाट प्रोत्साहित गरिएको हालसम्मकै एकमात्र केन्द्र भएको सञ्चालकहरुको दावी छ ।

कमेन्ट गर्नुहोस्