ग्रेटर नेपाल’का अध्यक्ष फणिन्द्र नेपाल पक्राउ

काठमाडौं, बैशाख १० । ग्रेटर नेपाल राष्ट्रवादी मोर्चाका अध्यक्ष फणिन्द्र नेपाल पक्राउ परेका छन् ।

महानगरीय प्रहरी परिसर काठमाडौंले उनलाई बैंकिङ कसुरमा मंगलबार मध्यान्ह गौशालास्थित निवासबाट पक्राउ गरेको हो । नरेशकुमार न्यौपानेको जाहेरीले उनलाई पक्राउ गरिएको महानगरीय प्रहरी परिसर काठमाडौंका प्रवक्ता डिएसपी होविन्द्र बोगटीले जानकारी दिए।

नेपालले २०७५ मंसिर २१ गते ६ लाख रुपैयाँको चेक दिएको र त्यो बाउन्स भएपछि न्यौपानेले प्रहरीमा उजुरी गरेका हुन्।

याे पनि पढ्नुस  नेपाल भ्रमणमा चारदिने भ्रमणमा भारतीय सेनाध्यक्ष रावत

पैसा लिए तर पहिला दिएको चेक फिर्ता गरेनन्ः फणिन्द्र नेपाल

ग्रेटर नेपाल राष्ट्रवादी पार्टीले सुगौली सन्धि अगाडि नेपालले जितेको विशाल नेपाली भूभाग भारत र बंगलादेशबाट फिर्ता पाउने पक्षमा वकालत गर्दै आएको छ । नेपाल सो अभियानका पार्टी बन्नु अघिदेखि नै त्यसको नेतृत्वमा छन्। आफूलाई योजनाबद्ध रुपमा फसाइएको उनले बताए।

घर भाडाबापत न्यौपानेले ६ लाख रुपैयाँ नगद बुझेको र सोही प्रयोजनका लागि त्योभन्दा अगाडि दिएको चेक बाउन्स गरी आफूलाई पक्राउ गरिएको उनको दाबी छ ।

याे पनि पढ्नुस  पचास हजार लिटर घरेलु मदिरा नष्ट

‘मैले नरेशकुमार न्यौपानेलाई घरभाडा बापत २०७५ मंसिर २१ गते ६ लाख चेक दिएको थिएँ’, उनले आफ्नो फेसबुकमा स्ट्याटस लेख्दै भनेका छन्, ‘चेकको भुक्तानी मितिमा नगद ६ लाख रुपैयाँ बुझी आज चेक ल्याउन बिर्सिएँ भोलि फिर्ता गर्छु भनेकोमा चेक बाउन्स गरेर मलाई फसाउने काम भयो ।’

पैसा दिइसकेपछि आफूले पटक–पटक चेक फिर्ता माग्दा न्यौपानेले नदिएको उनको दाबी छ। ‘पैसा लिइसकेपछि चेक पटकपटक फिर्ता माग्दा नदिएर अहिले निजले चेक बाउन्स गरी पक्राउ गर्न भूमिका खेले’, उनले भनेका छन्।

याे पनि पढ्नुस  जिल्ला समन्वय समिति महासंघमा सुन्दास

अध्यक्ष नेपालले प्रहरी समक्ष नगद भुक्तान गरेको भरपाइ र चेक बाउन्स नगर्न २१ मंसिर २०७५ मा लेखेको पत्र लगायतका प्रमाण समेत पेश गरेका छन्। नेपालले न्यौपानेलाइ घरभाडा बापतको रकम भुक्तान गरेका हुन्। न्यौपानेको घरमा नेपालको परिवारले बिद्यालय संचालन गरिरहेको छ। नेपालखबरबाट

कमेन्ट गर्नुहोस्