समृद्धिको सपनालाई पूरा गर्ने किसिमको शिक्षा निती बनाउँदै छौंः प्रचण्ड

काठमाडौं, वैशाख ११ । नेपाल कम्युनिस्ट पार्टी (नेकपा) का अध्यक्ष प्रचण्डले शिक्षामा लगानी नहुँदासम्म मुलुक समृद्ध हुन नसक्ने बताएका छन् ।

ललितपुरको सिद्धीमंगलस्थित श्री सिध्दिमङ्गल माध्यमिक विद्यालयको ६३औं वार्षिकोत्वको उद्घाटन गर्दै प्रचण्डले भने, ‘जबसम्म शिक्षामा लगानी, पूर्वाधारको विकास र गुणस्तरियता कायम हुन सक्दैन तबसम्म हामीले देखेको समृद्ध नेपाल, सुखी नेपालीको सपना पूरा हुन सक्दैन ।’ पूर्व प्रधानमन्त्रीसमेत रहेका प्रचण्डले जीवन उपयोगी शिक्षामा विशेष जोड दिनुपर्ने बताए ।

याे पनि पढ्नुस  शिक्षामा १ खर्ब ६३ अर्ब ७६ करोड बिनियोजन, २१२ स्थानीय तहमा प्राविधिक विद्यालय

उनले निर्वाचनका समयमा आश्वासन दिइएका शिक्षाका मुद्धा विस्तारै पूरा भइरहेकोसमेत बताए । प्रचण्डले भने, ‘व्यवहारिक, प्राविधिक र वैज्ञानिक शिक्षालाई बढाउँदै र सैद्धान्तिक शिक्षाको अनुपातलाई कम गर्दै लैजाने नीति हामीले लिएका छौं । शिक्षामा आमुल सुधार गर्ने उद्देश्यले संसदबाट नयाँ विद्येयक प्रस्तुतसमेत भएको छ ।’

याे पनि पढ्नुस  उद्धारमा जुट्न नेता–कार्यकर्तालाई नेकपाको निर्देशन

अध्यक्ष प्रचण्डले अब बेरोजगार पैदा नभएर रोजगार पैदा गर्ने शिक्षा प्रदान गर्नुपर्नेमा जोड दिए । उनले भने, ‘आउने दिनमा शिक्षाको क्षेत्रमा बेरोजगार पैदान गर्ने होइन रोजगार पैदा गर्ने जनशक्ति उत्पादन गर्नुपर्छ ।’ अध्यक्ष प्रचण्डले समृद्धिको सपनालाई पूरा गर्नका लागि त्यस किसिमको शिक्षा निती बनाउन आफूहरु केन्द्रित भएको बताए ।

याे पनि पढ्नुस  अाेली र प्रचण्डप्रति भीम रावलको चर्को असन्तुष्टि, सचिवालय पुर्नगठन गर्न माग

कमेन्ट गर्नुहोस्