४ वर्षमा ४५ हजारभन्दा धेरै पटक परकम्प

काठमाडौं, वैशाख ११ । भूकम्प गएको ४ वर्षमा ४५ हजार बढी पटक परकम्प गएको छ । २०७२ साल वैशाख १२ गते गोरखाको बारपाक केन्द्रबिन्दु भएर ७.८ रेक्टर स्केलको भूकम्प गएपछि अहिलेसम्म साना ठूला गरी ४५ हजार बढी परकम्प गएको हो ।

राष्ट्रिय भूकम्प मापन केन्द्रका अनुसार ४ रेक्टर स्केलभन्दा माथिका परकम्प ५२० पटक गएको छ । धेरैजसो सिन्धुपाल्चोक, दोलखा र गोरखामा परकम्प गएको छ । त्यसपछि गोरखा, नुवाकोट, धादिङ, काठमाडौंलगायत जिल्लामा परकम्प गएको केन्द्रले जनाएको छ ।

आज धादिङको नौबिसे केन्द्रबिन्दु भएर ३ पटक परकम्प गयो । दिउँसो सवा ३ बजे ३ दशमलव ९ रेक्टर स्केल, बिहान ६ बजेर २९ मिनेटमा ५ दशमलव २ रेक्टर स्केलको र ६ बजेर ४० मिनेटमा ४ दशमलव ३ रेक्टर स्केलको परकम्प गएको राष्ट्रिय भूकम्प मापन केन्द्रले जनाएको छ ।

कमेन्ट गर्नुहोस्

%d bloggers like this: