आइपीएलः विराटको टिमविरुद्ध शिखर धवनको अर्धशतक पूरा

काठमाडौं, वैशाख १५ । भारतमा जारी इन्डियन प्रिमियर लिग (आइपीएल) अन्तर्गत रोयल च्यालेन्जर्स बैंग्लोर विरुद्धको खेलमा दिल्ली क्यापिटल्सका शिखर धवनले अर्धशतक पूरा गरेका छन् ।

उनले ३६ बलमा अर्धशतक पूरा गरेका हुन् । ५० रन पूरा गर्दा शिखरले ५ चौका र २ छक्का प्रहार गरे । शिखरको यो लगातार तेस्रो अर्धशतक हो । नेपाली लेग स्पिनर सन्दीप लामिछानेले टिममा मौका खेलमा आज दिल्लीले टस जितेर ब्याटिङ गरिरहेको छ ।

७ खेल जित्दै १४ अंकका साथ तालिकाको तेस्रो स्थानमा रहेको दिल्ली आजको खेलमा विजयी हासिल गर्दै प्लेअफमा पुग्न चाहन्छ । यता विराट कोहली नेतृत्वको बैंग्लोर दिल्ली विरुद्धको खेलमा जीत दर्ता गर्दै प्लेअफमा पुग्ने सम्भावना जीवितै राख्ने लक्ष्यका साथ मैदान उत्रिदैं छ ।

जारी संस्करणको आइपीएलको बैंग्लोर विरुद्धको खेलमा दिल्ली ४ विकेटले विजयी भएको थियो । जुन खेलमा सन्दीपले पनि मौका पाएका थिए । बैंग्लोरमा भएको उक्त खेलमा सन्दीपले ४१ रन खर्चिदै १ विकेट हात पारेका थिए ।

दिल्ली भर्सेस बैंग्लोर

यी दुई टिमबीच अहिलेसम्म आइपीएलमा २३ पटक भिडन्त भएको छ । जसमा बैंग्लोरले १५ म्याच आफ्नो पक्षमा पार्दा दिल्लीले भने ७ खेलमा मात्र जीत हासिल गर्न सकेको छ । एक खेल नतिजाविहीन भएको थियो । फिरोज शाह कोटलाको स्टेडियममा बैंग्लोर—दिल्लीबीच ८ पटक भेट भएको छ । जसमा विराटको बैंग्लोरले ६ खेलमा जीत हासिल गरेको छ । दिल्लीले आफ्नो ‘होम ग्राउन्ड’ मा अन्मित पटक बैंग्लोरलाई २००९ मा हराएको थियो ।

आजै हुने दोस्रो खेलमा कोलकाता नाइट राइडर्स र मुम्बई इन्डियन्स भिड्दै छन् । यी दुई टिमबीचको खेल साँझ ८ः१५ बजेदेखि कोलकातामा शुरु हुँदैछ । अंक तालिकामा मुम्बई १४ अंकसहित दोस्रो र कोलकाता सातौं स्थानमा छ ।

कमेन्ट गर्नुहोस्

%d bloggers like this: