छोरी बचाउन आत्मरक्षा तालिम

धनगढी, वैशाख १६ । धनगढी उप–महानगरपालिकाले नगरका छोरीहरुको सुरक्षाका लागि आत्मरक्षा तालिम दिन सुरु गरेको छ ।

महिलामाथि हुने बलात्कार र जवरजस्तीका घटनाहरुमा वृद्धि हुन थालेको भन्दै धनगढी उप–महानगरपालिकाले आत्मरक्षाको तालिम दिन थालेको हो । सोमबारमात्रै धनगढी उप–महानगरपालिका वडा नं १४, १८ र १९ का ८ सय महिला तथा यूवतीहरुलाई एउटै शिविरमा राखेर तालिम दिन सुरु गरेको छ ।

धनगढी उप–महानगरपालिकाका प्रमुख नृपबहादुर वडले तालिममा महिलाहरुलाई आत्मरक्षा सीप सिकाउने काम भइरहेको छ । धनगढीको फुलबारी डिपो बजार नजिकको खेल मैदानमा तालिम संचालन गरिएको छ । यस क्षेत्रमा हिंसा र बलात्कारका घटना रोक्न हरेक प्रयास गरियो नगरप्रमुख वडले भने, त्यसको विकल्प स्वयं महिला नै आत्मरक्षा गर्न सक्षम हुनुपर्छ भनेर यो अभियान गरिएको हो ।

याे पनि पढ्नुस  धनगढी उपमहानगरपालिकाकाे ताजा परिणाम

तालिमले महिलाहरुको आत्मबल बढाएको छ नगरप्रमुख वडले भने, ‘यति ठूलो संख्यामा नगरपालिका आफैंले आत्मरक्षा तालिम दिएको पहिलो पटक हो । गत असोज महिनामा सुदूरपश्चिम सामाजिक विकास मन्त्रालय, धनगढी उपमहानगरपालिका र राष्ट्रिय गोजुरियो कराते संघ सुदूरपश्चिमको आयोजनामा २ हजार ४ सयभन्दा बढी महिलालाई आत्मरक्षा तालिम दिएको थियो ।’

याे पनि पढ्नुस  तीन वर्षीया बालिका बलात्कृत

आत्मरक्षा तालिमका प्रशिक्षक तथा राष्ट्रिय गोजुरीयो कराते संघ सुदूरपश्चिम अध्यक्ष प्रकाश चन्दले तालिम महिलाका लागि निकै प्रभावकारी भएको बताए । तालिममा १२ बर्षदेखि २५ उमेर समुहका यूवतीहरु धेरै छन् प्रशिक्षक चन्दले भने, कतिपय बूढी आमाहरु समेत तालिम दिन आएकी छन् ।

याे पनि पढ्नुस  अन्ततः शंकाले श्रीमतीकाे हत्यारा बनायाे

तालिमबाट आफ्नो सुरक्षा कसरी गर्न सकिन्छ भन्ने कुरा राम्रै सिकिरहेका छा्रै फुलवारीकी प्रीति चौधरीले भनिन्, आफमाथि बलात्कार र जबरजस्ती गर्न आउनेबाट कसरी बँच्न सकिन्छ भन्ने सीप सिकियो । तालिम चार दिनसम्म संचालन गरिने धनगढी उप–महानगरपालिका वडा नं १८ का अध्यक्ष मुरारी अधिकारीले बताए । राम्रो सहभागिता रहेको छ अध्यक्ष अधिकारीले भने, तालिमपछि वडा तहमै प्रशिक्षक तयार गर्ने योजना समेत रहेको छ ।

कमेन्ट गर्नुहोस्