अर्घाखाँचीमा बस दुर्घटना, २५ जना घाइते

सन्धिखर्क, जेठ ७ । अर्घाखाँचीको भुवनपाटामा आज (मंगलबार) साँझ बस दुर्घटना भएको छ । दुर्घटनामा परी २५ जना घाइते भएका छन् । घाइतेमध्ये ८ जनाको अवस्था गम्भीर रहेको अस्पतालले जनाएको छ ।

सुपादेउराली मन्दिर दर्शन गरेर गोरूसिङगेबाट आउँदै गरेको लु १ ख ७९४१ नम्बरको बस गोरूसिङगे सन्धिखर्क सडक खण्डको भुवनपाटाको पुलमा दुर्घटना भएको हो । घाइतेमध्ये ९ जनालाई थप उपचारका लागि मेडिकल कलेज भैरहवा रिफर गरिएको छ । अन्य १६ जनाको प्राथमिक स्वास्थ्य केन्द्र ठाडामा उपचार भइरहेको छ ।

याे पनि पढ्नुस  जीप दुर्घटनामा तीन जनाको मृत्यु

बस पुलमाथि आउँदा एक्कासी ब्रेक फेल भई अनियन्त्रित भए पनि बस चालक निकै चनाखो भएर सडकको भित्तामा बस ठोक्काएर ठूलो दुर्घटना हुनबाट जोगाएका छन् । पुल करिव सीतखोलाबाट ४ सय मिटर अग्लो पडाडको खोचमा छ।

कमेन्ट गर्नुहोस्