स्थानीयको उठिबास हुन्छ भनेर भ्रम फैलाउँदा रंगशालाको बारमा डोजरः मेयर दाहाल

चितवन, जेठ २० । भरतपुर महानगर प्रमुख रेनु दाहालले अन्तर्राष्ट्रिय क्रिकेट रंगशाला निर्माणको बाटो विस्तारसँगै स्थानीयको पनि उठिवास गराइँदै भन्ने भ्रम फैलाइएको बताएकी छिन् । रंगशाला निर्माणको क्रममा भएको घटनाले आफूलाई अत्यन्तै दुःखी बनाएको बताउँदै महानगर प्रमुख दाहालले भनिन्, ‘डीपीआर नबन्दासम्म सडकको विषयलाई लिएर तोडफोडमा उत्रनु अत्यन्तै दुखद भएको छ ।’

भरतपुर महानगरको वडा नम्बर सातले आयोजनाको गरेको आर्थिक वर्ष २०७६–७७ को योजना छनौट तथा वडा भेलालाई सम्बोधन गदै मेयर दाहालले देश तथा विदेशबाट सहयोगको माहोल बनिरहँदा यस्तो घटना घट्नु दःखद भएको बताइन् ।

याे पनि पढ्नुस  यातायातका साधन समस्या नभई नागरिकको सहयोगी बन्नुपर्छ : रेणु दाहाल


भेलामा प्रमुख अतिथिसमेत रहेकी महानगर प्रमुख दाहालले करिब ३० हजार अट्ने क्रिकेट स्टेडियम बनाउँदै गर्दा स्थानीयलाई उठिवास गर्छ भनेर भ्रम फैलाइएको हुनाले नै यस्तो घटना घट्न गएको बताइन् । उनले भनिन्, ‘राष्टिय गौरवका योजना बनाउँदा कहीँ कतै स्थानीयको सहयोग चाहिएमा क्षतिपूर्ति व्यवस्था हुन्छ, उठिबास गराइन्छ भनेर भ्रम मात्र फैलाइएको हो । यसका कुनै सत्यता छैन ।’

याे पनि पढ्नुस  रेणु दाहाल भन्छिन्– अनावश्यक विवाद बनाएर मतगणना ढिला गरियो

अहिले दुई वर्षको प्रगति विवरण हेर्दा धेरै काम सडकमा भएको भन्दै उनले सधै सडकका बिकासमा मात्रै महानगर नलाग्ने भन्दै अव आर्थिक वर्षबाट महानगर उत्पादनमुखी कार्यमा लाग्नेसमेत बताइन् । भरतपुरले देखेको विकासको सपना टाडा नरहेको भन्दै कृषिलाई पहिलो प्राथमिकता दिएर सबै खालका व्यापार व्यवसायलाई करको दायरामा ल्याउनेसमेत मेयर दाहालले बताइन् ।

याे पनि पढ्नुस  भरतपुर महानगरका ६७ प्रतिशत घर भूकम्प प्रतिरोधी

वडा नं ७ का वडाध्यक्ष राजेन्द्रमणि काफ्ले वडा नम्बर सातले स्थानीयको जनचाहना अनुसार काम गरेको भन्दै सबैको साथ र सहयोगले सात नम्बर वडालाई वातावरणमैत्री वडा घोषणा गर्न सफल भएको बताए । वडाले महानगरकै नमुना चिल्ड्रेन पार्क बनाउनेदेखि सडक, यातायात, बिजुली ऐलाजी जग्गा खोज्ने, ड्रेन निर्माण लगाएतका उल्लेखनीय कार्य गरेको छ ।

कमेन्ट गर्नुहोस्