विश्वकप क्रिकेटः बंगलादेशविरुद्ध इंग्ल्याण्डको शानदार जित

काठमाडौं, जेठ २६ । आइसीसी एकदिवसीय विश्वकप क्रिकेटमा बंगलादेशलाई १०६ रनले हराउँदै इंग्ल्याण्ड विजयी भएको छ । ३८७ रनको विशाल लक्ष्यका साथ मैदान प्रवेश गरेको बंगलादेशले ४८.५ ओभरमा सबै विकेट गुमाएर २८० रन मात्र बनाउन सक्यो । उसका लागि शकिव अल हसनले शतक बनाए पनि टिमलाई जीत दिलाउन सकेनन् । उनले १२ चौका र १ छक्काको मद्दतमा ११९ बलमा १२१ रन बनाए ।

याे पनि पढ्नुस  अत्यधिक गर्मीमा क्रिकेट नियममा यस्ता परिवर्तन गर्न सुझाव

यस्तै मुस्फिकुर रहिमले ४४, महुदुल्लाहले २८, मोसाद्दिक होसैनले २८, तमिम इग्बालले १९, महेदी हसन मिराजले १२ रन बनाए । बलिङमा इंग्ल्याण्डमा बेन स्टोक्स, जोफ्रा आर्चरले ३–३, लायम प्लेङकट र आदिल राशिदले एक–एक विकेट लिए । यसअघि टस हारेर ब्याटिङको मौका पाएको इंग्ल्याण्डले निर्धारित ५० ओभरमा ६ विकेट गुमाएर ३८६ रन बनायो । उसका लागि जेसन रोयले १४ चौका ५ छक्काको मद्दतमा १२१ बलमा १५३ रन बनाए ।

याे पनि पढ्नुस  अत्यधिक गर्मीमा क्रिकेट नियममा यस्ता परिवर्तन गर्न सुझाव

यस्तै, जस बटलरले ६४, जोनि बेयरिस्टोले ५१, कप्तान इओन मोर्गनले ३५, जो रुटकले २१, बेन स्टोक्स्ले ६, क्रिस ओक्सले नट आउट १८ र लियाम प्लेङकटले अविजीत २७ रनको योगदान दिए । बलिङमा बंगलादेशका मेहदी हसन मिराज, मोहम्मद सैफउद्दिनले २–२, मुस्तफिजुर रहमान र मुसरुफे मुर्तुजाले एक–एक विकेट लिए ।

याे पनि पढ्नुस  अत्यधिक गर्मीमा क्रिकेट नियममा यस्ता परिवर्तन गर्न सुझाव

कमेन्ट गर्नुहोस्