एनआरएन युएईको नयाँ नेतृत्वमा सबैको चासो, को–को हुन् अध्यक्षका आकाँक्षी?

सुशान आचार्य, यूएई । गैर आबासीय नेपाली संघ (एनआरएनए) यूएईको अधिबेशन अगस्ट १६ मा हुने निश्चित भए पछि यूएई एनआरएनमय भएको छ । अधिबेशनले २०१९ -२०२१ को लागि नयाँ नेत्रित्व चयन गर्ने भएकोले सबैको चासो बढेको हो ।

केही महिना अघि मात्र नेपाल एसोसियसनको नाममा दर्ता भए पछी अधिबेशन गर्न हुने र नहुने खेमामा एनआरएनकर्मीहरु बाँडिएका छन् । बर्तमान कार्यसमितीका संस्थापन पक्ष भनेर चिनिएकाहरुले यूएईको कानूनलाई सम्मान गर्दै अघि बढ्नु पर्ने बताउन थालेका छन् । यसको अर्थ भनेको अधिबेशन गर्नु हुन्न भन्ने हो । अधिबेशन नभएको वा नगरेको खण्डमा यही कार्यसमितीले अर्को कार्यकाल दोहोर्याउने छ ।

अन्तरास्ट्रिय समन्वय परिषदको बिधान अनुसार हरेक दुई बर्षमा अनिबार्य अधिबेशन गर्नु पर्दछ । सोही बिधानलाई आधार मानेर अधिबेशन गर्नै पर्छ भन्नेहरुको संख्या अत्यधिक रहेको छ । आईसीसी उपसँयोजक गोपाल कंडेलको अध्ययन समितीले समेत अधिबेशन गर्नु पर्ने सुझाब दिए पछि बर्तमान कार्यसमिती कसरी गर्ने भन्ने गृहकार्यमा जुटेको छ । एनआरएन यूएईको कार्यसमितीले राजेश दर्शन अर्यालको सन्योजकत्वमा निर्वाचन समिती गठन गरिसकेको छ ।

याे पनि पढ्नुस  निवर्तमान अध्यक्ष श्रेष्ठका कारण एनआरएन युएई संकटमा

को-को छन् अध्यक्षका आकाँक्षी?

रमेश श्रेष्ठ

बर्तमान अध्यक्ष रमेश श्रेष्ठले सबैको साथ भए दोहोर्याउने बताउँदै आएका छन् । संस्था दर्ता गर्न अथक मेहनत गरेका कारण पनि उनले अबको बैधानिक कार्यसमितीको नेत्रित्व सम्हाल्न चाहेको देखिन्छ । श्रेष्ठलाई एनआरएन यूएईकै ईतिहासमा सफल अध्यक्षको रुपमा हेरिन्छ । पन्जिक्रित सदस्यको मृत्‍यु भएमा मृतकको परिवारलाई १ लाख ५० हजार रुपैयाँ दिने देखि उद्दारका बिभिन्न कार्यहरुले गर्दा उनी शुरुका दिनहरुमा निकै नै लोकप्रिय बनेका थिए । ब्यक्तिगत रुपमा भने उनी आफ्नो कार्यकालमा बिबादित बनिरहे । उनलाई नेपाल काङ्रेस निकटका भनेर चिनिन्छ ।

नेत्र शर्मा 

बर्तमान कार्यसमिती उपाध्यक्ष नेत्र शर्माले फेसबूक मार्फत अध्यक्ष बन्न पाउने आफ्नो हक रहेको दाबी गर्दै आफ्नो आकाँक्षा देखाएका छन । उपाध्यक्षको बर्तमान कार्यकालमा त्यती सकृय नदेखिएका शर्मालाई एनआरएन यूएईको अभियानमा कमजोर उम्मेद्वारको रुपमा हेरिएको छ । नेकपाको समर्थन रहेकोले उनलाई राजनैतीक रुपमा भने बलियो उम्मेद्वारको रुपमा हेरिएको छ । तथापी उनको उम्मेद्बारी रहने नरहने अहिले सम्म टुङगो लागिसकेको छैन।

याे पनि पढ्नुस  निवर्तमान अध्यक्ष श्रेष्ठका कारण एनआरएन युएई संकटमा

पाशाङ रेन्जी शेर्पा

आदिबासी जनजाती महासंघ यूएईका अध्यक्ष पाशाङ रेन्जी शेर्पाले एनआरएन यूएईको अध्यक्षमा उम्मेद्बारी दिने घोषणा गरेका छन् । जस्तो सुकै रणनीति अपनाएर भए पनि अध्यक्ष भईछाड्ने उनले आफु निकटसँग बताउने गरेका छन् । नेत्र शर्माले उम्मेद्बारी नदिएको खण्डमा नेकपाको अर्को बिकल्प शेर्पा हुनसक्ने अंकलन गरिन्छ । शेर्पाको बिषयमा नेकपा भित्र एकमत हुन सकेको छैन । शेर्पा पूर्व संघीय समाजबादी फोरम निकट हुन् भने बाबुराम भट्टराइको नयाँ शक्ती सँगको एकिकरण पश्चात उनी रुस्ट रहेको श्रोतको दाबी छ । सामाजिक सन्जालमा सधैंभरी एनआरएनको आलोचना मात्र गरिरहने शेर्पाको एनआरएन कमब्याकलाई यूएईका नेपालीहरुले अर्थपूर्ण तरिकाले हेरेका छन् ।

लक्ष्मण खनाल 

नेपाल पत्रकार महासंघ यूएईका कार्यबाहक अध्यक्ष लक्ष्मण खनालले समेत एनआरएन यूएईको अध्यक्ष पदको आकाँक्षा राखेका छन् । हाल सम्म सार्वजनिक रुपमा नखुले पनि आफु निकटहरुसँग खनालले एनआरएनलाई मजदूरमैत्री बनाउन आफु आउन लागेको बताउने गरेका छन् ।एनआरएनको साख जोगाउन पनि आफु आउनु पर्ने उनको दाबी छ । उनी बर्तमान कार्यसमितीको सल्लाहकार हुन् भने उनकै सँयोजकत्वमा बनेको निर्वाचन समितीले अघिल्लो कार्यसमितीको अधिबेशन सम्पन्न गरेको थियो ।

याे पनि पढ्नुस  निवर्तमान अध्यक्ष श्रेष्ठका कारण एनआरएन युएई संकटमा

उनलाई हालसम्मकै सफल र उत्कृष्ट निर्वाचन समिती संयोजक रुपमा हेरिन्छ । राजनैतीक रुपमा नेकपा निकट मानिए पनि उनलाई हालसम्म कुनै पनि राजनैतीक पार्टीको समर्थन रहेको देखिदैन ।

श्रेष्ठ, शर्मा, शेर्पा र खनाल बाहेक पनि बिभिन्न नामहरु खोज्ने कार्य शुरु भएको छ । बर्तमान कार्यसमितीबाट नेत्रित्वमा कोही नआए पुर्ब कार्यसमिती, अभियान्ता र सल्लाहकारहरु मध्येबाट राम्रो नेत्रित्व खोज्ने प्रयास भईरहेको श्रोतले बतायो ।

उपाध्यक्षमा सहमती जुटेको खण्डमा निश्चल दाहाल, नरेश शेन, बालाकृष्ण मरासिनी, कृष्ण पौडेल, निर्मल कुमार पोखरेल, मदन अधिकारी आदि मध्ये कोही ३ जना आउने सम्भावना रहेको छ । त्यसैगरी महासचिबमा बर्तमान सचिब राजेश बोहोराले ईच्छा जाहेर गरेका छन् ।

कमेन्ट गर्नुहोस्