बझाङ जीप दुर्घटनाप्रति सांसद भट्टद्वारा दुःख व्यक्त

काठमाडौं, असार २ । नेपाल कम्युनिस्ट पार्टी (नेकपा) का स्थायी कमिटि सदस्य एवं पूर्वमन्त्री लेखराज भट्टले आज बझाङमा जीप दुर्घटना हुँदा ९ जनाको मृत्यु भएको घटनाप्रति दुःख व्यक्त गरेका छन् । सामाजिक सञ्जाल फेसबुकमार्फत दुःख व्यक्त गर्दै उनले भनेका छन्, ‘दुर्घटनामा परेर ९ जनाको ज्यान गएको खबरले स्तब्ध बनाएको छ । दुर्घटनामा परेर निधन भएकाहरुप्रति हार्दिक श्रद्धाञ्जली अर्पण गर्दै शोक सन्तप्त परिवारजनमा गहिरो समवेदना प्रकट गर्दछु । साथै घाइतेहरुको शिघ्र स्वास्थ्य लाभको कामना गर्दछु ।’

प्रहरीकाअनुसार सदरमुकाम चैनपुरनजिकै रहेको डुङ्रीबाट मष्टा गाउँपालिका जाँदै गरेको से १ ज १०७२ नम्बरको जीप डौठीमा दुर्घटना हुँदा ९ जनाको मृत्यु भएको हो । दुर्घटनामा परि मृत्यु हुनेमा मष्टा गाउँपालिका वडा नम्बर–१, का कलकबहादुर खड्का, उहाँका छोरा पनि रहेका छन् ।

यस्तै जुनधारा खड्का, नैन खड्का, धौली खड्का, जुना खड्का, भक्त द्वाल, चालक सुरेन्द्र थापा र लक्ष्मी द्वाल रहेको पवडा प्रहरी कार्यालय चैनपुरका सब–इन्सपेक्टर महानन्द जोशीले जानकारी दिए । यस्तै,  दुर्घटनामा परी थप ४ जना घाइते भएका छन् ।

कमेन्ट गर्नुहोस्