‘भद्रगोल’ की रक्षाले भनिन्, ‘जिग्रीले मेरो माया होइन, घृणा चाहिँ पाउँछ’

काठमाडौं, असार ३ । हाँस्यश्रृंखला भद्रगोलकी कलाकार रक्षा श्रेष्ठले प्रेम गर्न भनेर कसैको पछाडी लाग्नु मुर्खता भएको बताएकि छिन्। उनले भनिन्, उदारणका लागि मैले अभिनय गरिरहेको हास्यश्रृंखला ‘भद्रगोल’ मा जसरी जिग्री मेरो पछि लागेको छ, त्यसरी पछि लाग्दा माया होइन, घृणाचाहिँ पाइन्छ जुन हास्यश्रृंखला भद्रगोलमा चित्रण गरिएको छ । विवाहको मौसम आएसँगै विवाहको समारोह र भोजले नछुने कमै हुन्छन् ।

पछिल्लो समयकी चर्चित कलाकार रक्षा श्रेष्ठ पनि वैवाहिक माहोलमा देखिएकी छिन् । अत्यन्तै आकर्षक लुक्समा भेटिएकी उनलाई हामीले लभगुरु मन्त्र के हो ? भनेर सोधेका थियौं । उनको भनाई यस्तो छ– प्रेम गर्न भनेर कसैको पछि लाग्नु मुर्खता हो । विशेषगरी महिला मित्रलाई असल मित्र बनेर देखाउनुहोस् । प्रभावित गर्न पहिले आफ्नो मन र व्यवहार असल हुनुपर्छ ।

फलानोसँग प्रेम गर्छु र उसैलाई पाउँछु भन्नु चलचित्रको कथामा मात्र सुहाउँछ । वास्तविकतामा जोसँग प्रेम गर्न खोजिएको हो, उसको मनोभाव एवं चाहना पनि बुझ्नु आवश्यक हुन्छ । प्रेममा परिसकेपछि पर्याप्त इमान्दारिता चाहिन्छ । इमान्दार रहन सकिएन भने सम्बन्ध बिग्रन बेर लाग्दैन । आफ्नो समस्या र आवश्यकताभन्दा पनि उसको समस्यामा बढी ध्यान दिँदा उसले पनि आफ्नो समस्या एवं आवश्यकतामा ध्यान दिन्छ भन्ने कुरा बिर्सनु हुँदैन । सायद यो गुरुमन्त्र युवा पिढीँलाई खुबै काम लाग्न सक्छ ।  

कमेन्ट गर्नुहोस्