विश्वकपः उत्कृष्ट लयमा देखिएका इंग्लिश ब्याट्सम्यान मलिंगाको सिकार

काठमाडौं, असार ६ । १२औं संस्करणको आइसीसी एकदिवसीय विश्वकप क्रिकेट अन्तर्गत श्रीलंकाले दिएको २३३ रनको लक्ष्य पछ्याएको इंग्ल्याण्डले पाँचौ विकेट गुमाएको छ । उसले पाँचौ विकेटका रुपमा ३२.२ ओभरमा १० रन बनाएर खेलिरहेका जोस बटलरलाई गुमाएको हो । उनलाई लसिथ मलिंगाले आउट गरे । यसअघि पनि मलिंगाले जो रुट, जोनी बेरिस्टो र जेम्स भिन्सलाई पनि आउट गरेका थिए । यस्तै, कप्तान इओन मोर्गनलाई २१ रनमा इसुरा उडानले आउट गरे ।

याे पनि पढ्नुस  टी–२० विश्वकपः श्रीलंका र बंगलादेशले पनि छनोट खेल्नुपर्ने

यसअघि टस जितेर पहिला ब्याटिङ गरेको श्रीलंकाले निर्धारित ५० ओभरमा ९ विकेट गुमाएर २३२ रन बनायो । उसका लागि एन्जेलो म्याथ्युजले १ छक्का र ५ चौकाको मद्दतमा ११५ बलमा नट आउट ८५ रन बनाए । यस्तै, अभिश्का फर्नान्डोले ४९, कुसल मेन्डिसले ४६, धनन्जय डी सिल्भाले २९ रनको योगदान दिए ।

याे पनि पढ्नुस  सन्यासपछि मलिंगाले पाए ठूलो जिम्मेवारी, जयसूर्या पनि टिममा

बलिङमा इंग्ल्याण्डका जोफ्रा आर्चर, मार्क उडले ३–३, आदिल रशिदले २ र क्रिस ओक्सले १ विकेट लिए । यो खेलमा इंग्लिश टोली श्रीलंकालाई हराउन सके शीर्ष स्थानमा उक्लिने छ । यता श्रीलंका भने दोस्रो जीतको खोजिमा छ । वर्षाले तनाव गर्दा श्रीलंकाले ५ खेलमा २ खेलमा अंक बाँडेको छ । साथै उसले २ खेलमा हार बेहोर्दा एक खेलमा मात्र जीत हासिल गरेको छ ।

याे पनि पढ्नुस  विश्कप क्रिकेटः श्रीलंकाविरुद्ध पनि रुटको अर्धशतक पूरा

श्रीलंका प्लेइङ ११ः दिमुथ करुणारत्ने, धनन्जय डि सिल्भा, नुवान प्रदीप, अभिश्का फर्नान्डो, लासिथ मालिंगा, एन्जेलो म्याथ्युज, कुशल मेन्डिस, कुशल परेरा, थिसरा परेरा, इसुरु उडना र जीवन मेन्डिस ।

इंग्ल्याण्ड प्लेइङ ११ः इओन मोर्गन, जोनी बेरिस्टो, जो रुट, बेन स्टोक्स, क्रिस वोक्स, जेम्स भिन्स,  मोइन अली, जोस बटलर, आदिल रशिद,  मार्क उड र जोफ्रा आर्चर ।

कमेन्ट गर्नुहोस्