आँचललाई पाउन सचिन र जितेनमध्ये कसले मार्छन् त बाजी ?

केही समयअघि १२ वर्षको अन्तरलालमा सन्देशमुलक गीत ‘ए मान्छे’ ल्याएर दर्शकमाझ फर्केका पुराना चर्चित गायक सचिन रौनियारको नयाँ गीत ‘माया सररर’ शुक्रबार सार्वजनिक गरिएको छ ।

‘ए मान्छे’ बोलको गीतको अपार सफलता पछि गायक रौनियारले दर्शक माझ पुन अर्को गीत ‘माया सररर’ ल्याएका हुन् । गीतमा गायक रौनीयारलाई अर्का पुराना गायक जीतेन लेप्चाले साथ दिएका छन् भने शव्द तथा संगीत जितेन लेप्चाको नै रहेको छ । मोडल तथा नायिका आँचल शर्माको अभिनय रहेको ‘माया सररर’को भिडियोलाई सुब्रतराज आचार्यले निर्देशन गरेका हुन् भिडियोमा गायक सचिन रौनियार तथा जितेन लेप्चा दुवैजना नायिका आचल शर्माको पछि लागेर गीतमार्फत फकाउन खोजिएको देखाइएको छ ।

नौबिसेस्थित एक सुन्दर रिसोर्टमा छायांकन गरिएको भिडियोमा नवराज उप्रेतीको सिनेमाटोग्राफी र बिकाश ज्ञवालीको सम्पादन रहेको छ ।
गीत रोमान्टिक पाराको भएका कारण यस गीतलाई पनि दर्शकले ए मान्छे लाई जसरी मनपरादिने कुरामा आफु विश्वस्त रहेकाको गायक रौनियारले बताए ।

गीतलाइ एट के एभरेष्ट मोसन पिक्चरको युट्युब च्यानलबाट सार्वजनिक गरिएको हो ।

 

कमेन्ट गर्नुहोस्