विश्वकपः एकै खेलमा शाकिवले बनाए यस्ता कीर्तिमान

काठमाडौंः बंगलादेश क्रिकेट टिमका स्टार अलराउन्डर शाकिव अल हसन इंग्ल्याण्डमा जारी आईसीसी एकदिवसीय विश्वकप क्रिकेटमा उत्कृष्ट लयमा छन् । उनले जारी विश्वकपमा धेरै कीर्तिमान आफ्नो नाममा दर्ता गरिसकेका छन् । सोमबार साउथ ह्याम्पटनमा अफगानिस्तान विरुद्धको खेलमा पनि शाकिवले केही रेकर्ड बनाएका छन्ः

शाकिव विश्वकपमा एक हजार रन बनाउने पहिलो बंगलादेश क्रिकेटर बनेका छन् । अफगानी टिमविरुद्ध ३५ रन बनाएसँगै उनले यो उपलब्धि हासिल गरेका हुन् । आज शाकिवले १ चौकाको मद्दतमा ६९ बलमा ५१ रनको योगदान दिए । उनले जारी विश्वकपमा २ शतक र ३ अर्धशतक बनाई सकेका छन् ।

याे पनि पढ्नुस  त्रिकोणत्मक टि–२० सिरिजः बंगलादेशमाथि अफगानिस्तानको शानदार जित

शाकिव विश्वकपमा एक हजार रन र २५ विकेट लिने दोस्रो अलराउन्डर बन्न सफल भएका छन् । यसअघि श्रीलंकाका पूर्व ओपनर एवं अलराउन्डर सनथ जयसूर्यले यो उपलब्धि हासिल गरिसकेका छन् । विश्वकपमा शाकिवले १००२ रन र २८ विकेट लिइसकेका छन् । सनथ जयसूर्यले भने ११६५ रन र २७ विकेट आफ्नो नाममा बनाएका थिए ।

याे पनि पढ्नुस  त्रिकोणत्मक टि–२० सिरिजः बंगलादेशमाथि अफगानिस्तानको शानदार जित

शाकिव र मुस्फिकुर रहीमको जोडी बंगलादेशका लागि वान डे क्रिकेटमा ३ हजार रनको साझेदारी गर्ने पहिलो जोडी बनेको छ ।

अफगानिस्तानलाई २६३ रनको चुनौती 
बंगलादेशले आफ्नो सातौ खेलमा अफगानिस्तानलाई २६३ रनको लक्ष्य दिएको छ । साउथ ह्याम्पटन क्रिकेट मैदानमा टस हारेर ब्याटिङको निम्तो पाएको बंगलादेशले निर्धारित ५० ओभरमा ७ विकेट गुमाएर २६२ .रन बनायो । उसका लागि मुस्फिकुर रहिमले उत्कृष्ट प्रदर्शन गरे । उनले १ छक्का र ४ चौकाको मद्दतमा ८७ बलमा ८३ रन बनाए ।

याे पनि पढ्नुस  त्रिकोणत्मक टि–२० सिरिजः बंगलादेशमाथि अफगानिस्तानको शानदार जित

यस्तै शाकिव अल हसनले ५१, तमिम इकबालले ३६, मोसाद्दिक हुसैनले ३५, लिटन दासले १६, महमदुल्लाहले २७, सौम्य सरकारले ३ र मोहम्मद सैफउद्दिनले नट आउट २ रनको योगदान दिए । बलिङमा अफगानिस्तानका मुजीबउर रहमानले ३, कप्तान गुल्बिन्दन नाइबले २, मोहम्मद नाबी र दउलत जर्दानले एक–एक विकेट लिए ।

कमेन्ट गर्नुहोस्